Upaleta તા.11
ઉપલેટામાં ક્રિષ્ના ગ્રુપ દ્વારા આયોજિત વર્ષ ૨૦૨૪ ના તુલસી વિવાહનું આયોજન ગૌશાળાના લાભાર્થે કરવામાં આવ્યું છે જેમાં ઉપલેટા નગરપાલિકા સંચાલિત એનિમલ હોસ્ટેલની ગાયો માટેના લાભાર્થે ઉપલેટા શહેરમાં આવેલ બાપુના બાબલા ચોક ખાતે ભવ્ય તુલસી વિવાહનું આયોજન કરવામાં આવ્યું છે જેમાં ફરી એક વખત દિવાળી બાદ પુનઃ દિવાળી કરતાં પણ વિશેષ માહોલ ઉપલેટા શહેરમાં જોવા મળશે ત્યારે લોકો પણ ઉપલેટામાં યોજાતા આ ભવ્ય તુલસી વિવાહમાં સામેલ થવા બહોળી સંખ્યામાં ઉમટી પડશે.
આ અંગે માહિતીઓ આપતા ક્રિષ્ના ગ્રૂપના ભાવેશ સુવાએ જણાવ્યું હતું કે, ઉપલેટામાં ક્રિષ્ના ગ્રુપ દ્વારા છેલ્લા વીસ વર્ષોથી વિવિધ ઉત્સવો ઉજવણીઓ અને તહેવારોની ઉજવણી કરવામાં આવી રહી છે જેમાં આ ક્રિષ્ના ગ્રુપના પ્રણેતા અને ઉપલેટા નગરપાલિકાના પૂર્વ પ્રમુખ અને તેમના પિતા એવા સ્વ. ગોવિંદભાઈ સુવા દ્વારા ઉત્સવ, ઉજવણીઓ તેમજ વિવિધ તહેવારોની ઉજવણીઓ શરૂ કરવામાં આવી હતી ત્યારથી ઉપલેટામાં ઉત્સવો ઉજવણીઓ તેમજ તહેવારો ક્રિષ્ના ગ્રુપ દ્વારા ઉજવવામાં આવે છે. આ ઉજવણીમાં ઉપલેટા તેમજ આસપાસની જાહેર જનતા અને ધર્મ પ્રેમી જનતા આ ઉત્સવ અને ઉજવણીઓની અંદર સામેલ થાય છે ત્યારે ક્રિષ્ના ગ્રુપ દ્વારા ઉપલેટા નગરપાલિકા સંચાલિત એનિમલ હોસ્ટેલના લાભાર્થે ઉપલેટામાં ભવ્ય તુલસી વિવાહનું આયોજન કરવામાં આવ્યું છે.
ઉપલેટા યોજાનાર તુલસી વિવાહમાં જાનૈયા પક્ષ તરફથી શ્રીમતી પારૂલબેન તથા દીપકભાઈ રાજસીભાઈ સુવા સાથે પીઠડ કૃપા ગ્રુપ દ્વારા ભગવાન કાળીયા ઠાકરની જાડેરી જાન જોડવામાં આવશે ત્યારે સામે કન્યા પક્ષ તરફથી શ્રીમતી અસ્મિતાબેન તથા સંજયભાઈ બાબુભાઈ મુરાણી તથા મુરાણી પરિવાર દ્વારા જાડેરી જાનનું આગતા સ્વાગત કરી માંડવા પક્ષની તમામ વિધિઓની અંદર સામેલ થવામાં આવશે. દિવાળી બાદ ફરી એકવાર ઉપલેટામાં મંગળવાર તારીખ ૧૨-૧૧-૨૦૨૪ ના રોજ રાત્રિના ૦૯:૦૦ વાગ્યે ઉપલેટા શહેરના બાપુના બાવલા ચોક ખાતે ભવ્ય તુલસી વિવાહ યોજાશે જેમાં આ તુલસી વિવાહમાં પધારવા ઉપલેટા તેમજ આસપાસની ધર્મપ્રેમી જનતા જનાર્ધરને પધારવા ખાસ હાર્દિક નિમંત્રણ પણ સૌ કોઈને પાઠવવામાં આવ્યું છે ત્યારે આ જાડેરી જાન શ્રીમતી પારૂલબેન તથા દીપકભાઈ રાજસીભાઈ સુવાના નિવાસ સ્થાનેથી બપોર બાદ વાજતે ગાજતે બગી, ઘોડાઓ, બુલેટ સહિત ચાલીને લોકો જોડાશે ત્યારે આ તુલસી વિવાહમાં સામેલ થવા માટે પણ સૌ કોઈને ખાસ આમંત્રણ આપવામાં આવ્યું છે.
