ધનુષના લગ્ન ફિલ્મ નિર્માતા અને પ્લેબેક સિંગર ઐશ્વર્યા રજનીકાંત સાથે થયા હતાં, જે સુપરસ્ટાર રજનીકાંતની પુત્રી હતી
Mumbai, તા.૧૩
જ્યારે બે કલાકારો સાથે કામ કરે છે, ત્યારે ઘણી વખત સેટ પરથી ડેટિંગની અફવાઓ શરૂ થઈ જતી હોય છે. તેનું તાજેતરનું ઉદાહરણ મૃણાલ ઠાકુર અને ધનુષ છે. આ મહિનાની શરૂઆતમાં અજય દેવગણ અને મૃણાલની કોમેડી ફિલ્મ ‘સન ઓફ સરદાર ૨’ ના પ્રીમિયરમાં બંને સાથે આવ્યા ત્યારથી તેમનાં ડેટિંગની ચર્ચાઓ શરૂ થઈ હતી. જ્યારે ધનુષે, એક અસંભવિત મહેમાન, સ્ટાઇલમાં એન્ટ્રી કરી હતી, તો મૃણાલ તેને રિસીવ કરવા દોડી ગઈ હતી અને ધનુષ પાપારાઝીના ફોટો માટે રેડ કાર્પેટ પર જાય તે પહેલાં મૃણાલ ધનુષને એક બાજુ લઇ જઇને ભેટી પડી હતી. આ રીતે આ અફવાઓ શરૂ થઈ કે ધનુષ ખાસ મૃણાલને મળવા અને સપોર્ટ આપવા આવ્યો હતો. ત્યારે મૃણાલે હવે આ અહેવાલો પર પોતાનું મૌન તોડ્યું છે.વિડીયો વાયરલ થયાના અઠવાડિયા પછી, મૃણાલ ઠાકુરે સ્પષ્ટતા કરી છે કે તે અને ધનુષ ડેટ કરતાં નથી. ધનુષે પણ ખુલાસો કર્યો છે કે ધનુષને ‘સન ઓફ સરદાર ૨’નાં પ્રીમિયરમાં કોણે આમંત્રણ આપ્યું હતું. એક ઇન્ટરવ્યુમાં મૃણાલે કહ્યું, “ધનુષ મારા માટે ફક્ત એક સારો મિત્ર છે. મને ખબર છે કે તાજેતરમાં અમારા બંનેના સંબંધો વિશે ઘણી બધી અફવાઓ ફેલાઈ રહી છે. જ્યારે મેં તે જોયું ત્યારે મને તો હસવું આવ્યું હતું. ધનુષે ‘સન ઓફ સરદાર ૨’ ઇવેન્ટમાં હાજરી આપી હતી. કોઈએ ગેરસમજ કરવાની જરૂર નથી. અજય દેવગણે જ તેને આમંત્રણ આપ્યું હતું.”ધનુષના લગ્ન ફિલ્મ નિર્માતા અને પ્લેબેક સિંગર ઐશ્વર્યા રજનીકાંત સાથે થયા હતાં, જે સુપરસ્ટાર રજનીકાંતની પુત્રી હતી. આ દંપતીએ ૨૦૨૨માં તેમનાં અલગ થવાની જાહેરાત કરી હતી અને બાદમાં ૨૭ નવેમ્બર, ૨૦૨૪ના રોજ છૂટાછેડા લીધાં હતાં. ધનુષ અને ઐશ્વર્યાને બે પુત્રો છે, જેમનું નામ યાત્રા અને લિંગા છે. જો તેની ફિલ્મની વાત કરવામાં આવે તો ધનુષ પાસે હાલમાં ત્રણ સારા પ્રોજેક્ટ્સ છે જેમાં તમિલ ફિલ્મ ‘ઇડલી કડાઈ’, કૃતિ સેનન સાથે આનંદ એલ. રાયની ‘તેરે ઇશ્ક મેં’ અને વિગ્નેશ રાજા દ્વારા દિગ્દર્શિત ડ્ઢ૫૪નો સમાવેશ થાય છે. બીજી તરફ, મૃણાલ આગામી ફિલ્મ ‘ડાકોઈટઃ અ લવ સ્ટોરી’માં જોવા મળશે. તેની પાસે ૨૦૨૬માં વરુણ ધવન અને પૂજા હેગડે સાથે ‘હૈ જવાની તો ઇશ્ક હોના હૈ’ પણ છે.
