Morbi,તા.16
વાંકાનેરના એક ઇસમેં પોતાના સોશ્યલ મીડિયા એકાઉન્ટમાં હથિયાર સાથે ફોટો અપલોડ કર્યો હતો જે ઈસમને ઝડપી લેવામાં આવ્યો છે અને લાયસન્સ વાળું હથિયાર આપી લાયસન્સ પરવાનાની શરતોનો ભંગ કરનાર ઇસમ વિરુદ્ધ વાંકાનેર પોલીસે ફરિયાદ નોંધી તપાસ ચલાવી છે
વાંકાનેર સીટી પોલીસમાં ફરજ બજાવતા વિશ્વરાજસિંહ પ્રવીણસિંહ ઝાલાએ આરોપી શાહરૂખ દાઉદ સરવદી રહે વાંકાનેર નવા રાતીદેવરી અને સમસુદીન મનવરહુશેન પીરઝાદા રહે ઝીંઝુડા તા. મોરબી વાળા વિરુદ્ધ ફરિયાદ નોંધાવી છે કે આરોપી શાહરૂખે કોઈ હથિયાર પરવાનો કે લાયસન્સ ના હોવા છતાં સમાજમાં ભય ઉભો કરવાના ઈરાદે પોતાના શોખ ખાતર લાયસન્સ વગર બંદુક સાથેના ફોટો પાડી પોતાના ઇનસ્ટાગ્રામ એકાઉન્ટમાં ફોટા અપલોડ કર્યા હતા અને આરોપી સમસુદીને લાયસન્સ વાળી બાર બોર બંદુક આરોપી શાહરૂખ પાસે હથિયાર પરવાનો ના હોવા છતાં તેને આપી લાયસન્સ ધારકની શરત ભંગ કરી હતી વાંકાનેર સીટી પોલીસે આરોપી શાહરૂખને ઝડપી લીધો છે અને અન્ય ઈસમને ઝડપી લેવા તપાસ ચલાવી છે
