China તા.28
ચીનના શાનદોંગ પ્રાંતમાં એક કેમીકલ પ્લાન્ટમાં જબરદસ્ત વિસ્ફોટ સાથે આગ ફાટી નીકળતા જ ઓછામાં ઓછા છ લોકો માર્યા ગયા છે અને વધુ છ લાપતા છે.
પુર્વીય શાનદોંગમાં કેમીકલ પ્લાન્ટમાં ગઈકાલે આ વિસ્ફોટ થયો હતો અને આગના લબકારા સેંકડો ફુટ ઉંચા દેખાતા હતા તેમજ પ્લાન્ટમાં રસાયણના સંગ્રહક્ષેત્રમાં એક બાદ એક વિસ્ફોટો જોવા મળ્યા હતા. શેડોંગ યુદાઓ કેમીકલ નામની કંપનીની માલિકીનો આ પ્લાન્ટ હતો અને તેમાં 300થી વધુ લોકો કામ કરી રહ્યા હતા.
જેમાં એક મર્યાદીત વિસ્તારમાં જ વિસ્ફોટ થતા અન્ય તમામ લોકોને તાત્કાલીક સલામત કરી દેવાયા હતા. પરંતુ ઓછામાં ઓછા છ લોકો માર્યા ગયા છે અને વધુ લાપતા છે. જેમાં તેઓને આગમાં સપડાઈ ગયા હોય તેવું માનવામાં આવે છે. આગ પર કાબુ મેળવ્યા બાદ તેઓ તેમની શોધ કરવામાં આવશે.
