Surat, તા 27
સુરતના શિવ શક્તિ ટેક્સટાઈલ માર્કેટમાં બુધવારે સાંજે આગ ફાટી નીકળી હતી. થોડી જ વારમાં જ્વાળાઓએ માર્કેટના પહેલા અને બીજા માળને લપેટમાં લીધું હતું. જેના કારણે સ્થળ પર ખળભળાટ મચી ગયો હતો. ભારે મુશ્કેલીથી અંદર ફસાયેલા લોકોને બહાર કાઢવામાં આવ્યા હતા.
જે બાદ અધિકારીઓએ પરિસ્થિતિને કાબૂમાં લેવા માટે ઝડપથી કામ કરવાનું શરૂ કરી દીધું છે. ડેપ્યુટી કમિશનર ઓફ પોલીસ (ડીસીપી) ભગીરથ ગઢવીએ જણાવ્યું હતું કે વિસ્તારને કોર્ડન કરી લેવામાં આવ્યો છે અને ટીમો આગ પર કાબૂ મેળવવાનો પ્રયાસ કરી રહી છે. આગ બુઝાવવા માટે ફાયર બ્રિગેડની ટીમો પહોંચી હતી.
ફાયર બ્રિગેડની ટીમો આગ ઓલવવામાં કામે લાગી છે. સમગ્ર વિસ્તારને કોર્ડન કરી લેવામાં આવ્યો છે, પોલીસે સમગ્ર વિસ્તારને ખાલી કરાવ્યો છે. પોલીસ પણ મોટા પાયે તૈનાત કરવામાં આવી છે. આસપાસના વિસ્તારોમાં ટ્રાફિક ન રહે તે માટે કામગીરી કરવામાં આવી રહી છે.
તમામ ટીમો અહીં તૈનાત છે. અહીં અન્ય દુકાનો પણ છે, તેથી તેમની સુરક્ષા સુનિશ્ચિત કરવા માટે પોલીસ અહીં હાજર છે. શિવશક્તિ માર્કેટમાં 800 દુકાનો છે, તમામ દુકાનો બંધ છે, નજીકના બજારોમાં પણ દુકાનો બંધ છે.
આગ ઓલવવામાં સમય લાગશે. પારેખે વધુમાં જણાવ્યું હતું કે, ’આગ બેઝમેન્ટથી પહેલા, બીજા અને ત્રીજા માળ સુધી ફેલાઈ હતી. આગ બુઝાવવામાં સમય લાગશે. ફાયર બ્રિગેડના કેટલાક કર્મચારીઓ ફસાયા હતા, પરંતુ તેમને બચાવી લેવામાં આવ્યા છે, એમ તેમણે જણાવ્યું હતું. ત્યાં 15 ટીમો છે. કોઈ જાનહાનિ થઈ નથી. જણાવવામાં આવી રહ્યું છે કે આ વિસ્તારમાં 24 કલાકથી ઓછા સમયમાં બીજી વખત આગ લાગી હતી, જેના કારણે 800થી વધુ સ્ટોર્સને અસર થઈ હતી.
