Uttar Pradesh,તા.19
ઉત્તર પ્રદેશના પ્રયાગરાજના મહાકુંભ વિસ્તારમાં સ્થિત પરેડ ગ્રાઉન્ડ પાસેના ટેન્ટ વેરહાઉસમાં આગ લાગી હતી. આગ એટલી વિકરાળ બની હતી કે ઊંચી જ્વાળાઓ જોવા મળી હતી. ફાયર બ્રિગેડની ગાડીઓ આગ પર કાબૂ મેળવવાનો પ્રયાસ કરી રહી છે.
શનિવારે સવારે પરેડ ગ્રાઉન્ડ સ્થિત ટેન્ટ હાઉસના વેરહાઉસમાં આગ લાગી હતી. થોડી જ વારમાં આગ ફેલાઈ ગઈ. આગનું વિકરાળ સ્વરૂપ જોઈને વિસ્તારમાં ભયનો માહોલ છવાઈ ગયો હતો. આકાશમાં ઉંચી જ્વાળાઓ અને ધુમાડાના વાદળો જોવા મળ્યા હતા.
આગની માહિતી મળતા જ ફાયર બ્રિગેડની અનેક ગાડીઓ ઘટનાસ્થળે પહોંચી ગઈ હતી. હાલ આગ પર કાબૂ મેળવવાના પ્રયાસો ચાલુ છે. આગ લાગવાનું કારણ હજુ સુધી જાણી શકાયું નથી. આગની ઘટનામાં હજુ સુધી કોઈ જાનહાનિના સમાચાર નથી.
