Morbi , તા.4
મોરબીના રવાપર ઘૂનડા રોડ ઉપર ખેતર પાસે જાહેરમાં જુગાર રમતા છ શખ્સો મળી આવ્યા હતા જેથી કરીને પોલીસે 78,600 ની રોકડ કબજે કરી હતી. જાણવા મળતી માહિતી પ્રમાણે રવાપર ઘૂનડા રોડ ઉપર આવેલ જેન્તીભાઈ બરાસરાની વાડી પાસે પોલીસે રેડ કરી હતી ત્યારે સ્થળ ઉપરથી જેન્તી દેવકણભાઈ બરાસરા (58) રહે.
હનુમાનજી મંદિર પાછળ ચંદ્રદીપ એપાર્ટમેન્ટ બ્લોક નં-102 રવાપર, ભરત છગનભાઈ કડીવાર (53) રહે. દલવાડી સર્કલ પાસે વૃંદાવન પાર્ક રેમ્બો એપાર્ટમેન્ટ બ્લોક નં-101 મોરબી, રમેશ મગનભાઈ સરડવા (52) રહે, પ્રભુ કૃપા ટાઉનશીપ ફોક્સ સ્ક્વેર-1 બ્લોક નં-703 મોરબી, રાઘવજી અજાભાઈ દેસાઈ (62) રહે. ગોલ્ડન માર્કેટ પાછળ રવાપર, સુરેશ રામજીભાઈ ઘોડાસરા (52) રહે. હનુમાનજી મંદિર પાસે રામ બંધન એપાર્ટમેન્ટ બ્લોક નં-601 મોરબી અને શામજીભાઈ બચુભાઈ પરમાર (38) રહે સરવડ તાલુકો માળીયા વાળા જુગાર રમતા મળી આવ્યા હોય પોલીસે તેની પાસેથી 78,600 ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધીને પોલીસ આગળની કાર્યવાહી હાથ ધરી છે.
