Morbi,તા 2
મોરબીના જેતપર રોડ ઉપર પાવળીયારી કેનાલ પાસે સિરામિક કારખાનાના પ્રેસ વિભાગમાં કામગીરી દરમિયાન ઊંચાઈ ઉપરથી નીચે પટકવાથી યુવાનને રાજકોટની ખાનગી હોસ્પિટલમાં લઈ ગયા હતા અને ત્યાં ચાલુ સારવાર દરમિયાન તેનું મોત નીપજયું છે
જાણવા મળતી માહિતી મુજબ જીવાપર (ચ) ગામના રહેવાસી કાંતિલાલ મગનભાઈ કાલરીયા (37) નામનો યુવાન પાવળીયારી કેનાલ નજીક આવેલ સ્કાય ટચ સીરામીક કારખાનાના પ્રેસ વિભાગમાં કામગીરી કરી રહ્યો હતો.
દરમિયાન ગત તા. 14/12 ના રોજ કામ કરતા સમયે ઊંચાઈ ઉપરથી નીચે પટકાતા પ્રથમ સારવાર માટે મોરબીની ખાનગી હોસ્પિટલમાં લાવ્યા હતા અને ત્યાંથી વધુ સારવાર માટે તેને રાજકોટની ખાનગી હોસ્પિટલ ખાતે લઈ જવામાં આવ્યો હતો અને ત્યાં ચાલુ સારવાર દરમિયાન તે યુવાનનું મોત નીપજયું હતું તાલુકા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.
