Morbi,તા.29
વીસીફાટકથી ધક્કાવાળી મેલડી માતાજી મંદિર તરફ જતા રોડ પર ડબલ સવારી બાઈક કારને ઓવરટેક કરવા જતા કાબુ ગુમાવી દેતા બાઈક ચાલક સગીર સહીત બંને રોડ પર પડી જતા સગીરને ગંભીર ઈજા પહોંચતા મોત થયું હતું
વિસીપરા સ્મશાન રોડ પર રહેતા ગોપાલભાઈ અશોકભાઈ દલસાણીયા (ઉ.વ.૧૭) વાળાએ બાદલ સુરેશભાઈ બાર્રૈયા (ઉ.વ.૧૭) વાળા વિરુદ્ધ ફરિયાદ નોંધાવી છે જેમાં જણાવ્યું છે કે ફરિયાદી ગોપાલ અને બાદલ બારૈયા બંને બાઈક લઈને જતા હોય જે બાઈક બાદલ ચલાવતો હતો અને વીસીફાટકથી ધક્કાવાળી મંદિર તરફ બજરંગ અખાડા પાસે કારને ઓવરટેક કરવા જતા બાઈક ચાલકે કાબુ ગુમાવી બ્રેક મારતા બંને બાઈક પરથી ફંગોળાઈ નીચે પડી ગયા હતા જે અકસ્માતમાં ફરિયાદી ગોપાલને ઈજા પહોંચી હતી અને બાદલને ગંભીર ઈજા પહોંચતા મોત થયું હતું મોરબી સીટી એ ડીવીઝન પોલીસે અકસ્માતની ફરીયાદ નોંધી તપાસ ચલાવી છે
