`Mumbai,તા.28
કેચ વિન મેચ’ એ ક્રિકેટની સૌથી પ્રખ્યાત કહેવતોમાંની એક છે. મેચ જીતવા માટે કેચ પકડવો સૌથી જરૂરી છે. એક કેચ મેચનું પાસું સંપૂર્ણપણે પલટી શકે છે. ટી-20ની રમત ખૂબ જ ઝડપથી ચાલે છે અને તેથી અહીં કેચની ભૂમિકા વધુ મહત્વની બની જાય છે.
હવે 28 માર્ચથી ઇન્ડિયન પ્રીમિયર લીગ શરૂ થઈ રહી છે. એવામાં આજે અમે તમને આઈપીએલની એક સીઝનમાં સૌથી વધુ કેચ લેનારા ખેલાડીઓ વિશે જણાવી રહ્યાં છીએ.
ડેવિડ મિલર – 14 કેચ (2014)
આઈપીએલ 2014માં ડેવિડ મિલર કિંગ્સ ઇલેવન પંજાબ (પંજાબ કિંગ્સ)નો હિસ્સો હતા. તેમણે તે સીઝનમાં 16 મેચ રમી અને 14 કેચ લીધા હતા. પંજાબની ટીમ ફાઈનલ સુધી પહોંચી હતી અને ત્યાં KKR સામે હારી ગઈ હતી.
કીરોન પોલાર્ડ 15 કેચ (2017)
કીરોન પોલાર્ડ આઈપીએલમાં સૌથી વધુ 103 કેચ લેનારા વિદેશી ખેલાડી છે. એક સીઝનમાં તેમનું શ્રેષ્ઠ પ્રદર્શન 15 કેચનું છે. 2017 માં મુંબઈએ ટાઇટલ જીત્યું હતું. તે સીઝનમાં પોલાર્ડે 15 કેચ લીધાં હતાં.
રિયાન પરાગ – 17 કેચ (2022)
રિયાન પરાગ આઈપીએલના સૌથી શ્રેષ્ઠ ફિલ્ડરોમાંના એક છે. તે પણ એક સીઝનમાં 17 કેચ લઈ ચૂક્યા છે. 2022ની સીઝનમાં રાજસ્થાનની ટીમ ફાઈનલમાં ગુજરાત સામે હારી હતી. તે સીઝનમાં રિયાને 17 મેચ રમી હતી.
એબી ડી વિલિયર્સ – 19 કેચ (2016)
એક આઈપીએલ સીઝનમાં સૌથી વધુ કેચ લેવાનો રેકોર્ડ RCBના પૂર્વ ખેલાડી એબીડી વિલિયર્સના નામે છે. તેમણે 2016 ની સીઝનમાં 19 કેચ ઝડપ્યા હતા. તે સીઝનમાં તેમણે 16 મેચ રમી હતી અને RCB ની ટીમ ફાઈનલ સુધી પહોંચી હતી.
ઋતુરાજ ગાયકવાડ – 17 કેચ (2023)
ચેન્નાઈ સુપર કિંગ્સે 2023 માં આઈપીએલનું ટાઇટલ જીત્યું હતું. તે સીઝનમાં ટીમ માટે ઋતુરાજ ગાયકવાડે 16 મેચ રમી હતી અને તેમણે તેમાં કુલ 17 કેચ ઝડપ્યા હતા.
