Rajkot,તા.19
રાજકોટ શહેરમા જીવલેણ અકસ્માતોની પરંપરા જાણે કે યથાવત રહેતી હોય તેમ ભક્તિનગર પોલીસ મથકની હદમાં બાબરીયા કોલોની નજીક મોટરસાયકલ ની ઠોકરે રાહદારી મહિલાનું મોત નીપજ્યું હતું.
આ અંગે પ્રાપ્ત વિગત મુજબ બાબરીયા કોલોની વિસ્તારમાં રહેતા રમાબેન બચુભાઈ ગોપાણી 78 સાંજે પોતાના ઘર પાસે ચાલીને જતા હતા ત્યારે પાછળથી આવેલી મોટરસાયકલને રમાબેન ને હડફેટે લેતા ગંભીર ઉજાગરમાં રમાબેનને સરકારી હોસ્પિટલમાં દાખલ કરવામાં આવ્યા હતા. અકસ્માત સ્થળેજ બેભાન થઈને ઢળી પડેલા રમાબેન ગોપાણીનું ચાલુ સારવાર દરમિયાન ગત મોડી રાત્રે અઢી વાગે મૃત્યુ નીપજ્યું હતું આ અંગે ભક્તિનગર પોલીસે તપાસ હાથ ધરી અકસ્માતરજી નાસી ગયેલા મોટરસાયકલ ચાલકની ભાળ મેળવવા સીસીટીવી ફૂટેજ ના આધારે તપાસ હાથ ધરી છે
