Patna,તા.21
બિહારના મુખ્યમંત્રી નિતીશકુમાર દ્વારા રાષ્ટ્રગીતના અપમાન મુદે હવે વિવાદ ચગ્યો છે અને બિહાર વિધાનસભામાં આ મુદે વિપક્ષ રાષ્ટ્રીય જનતાદળે ભારે હંગામો કરતા ફકત આઠ મિનિટમાં જ ગૃહ મુલત્વી રાખવુ પડયુ હતું.
વિપક્ષના નેતા તેજસ્વી યાદવે નિતીશકુમાર દેશની માફી માંગે તેવી માંગણી કરી છે. આજે સદનની કાર્યવાહી શરુ થતા પહેલા વિપક્ષના સભ્યો વિધાનસભાના સંકુલમાં નિતીશકુમાર વિરુદ્ધ પોષ્ટર દર્શાવીને પ્રદર્શન કર્યુ હતું.
પુર્વ મુખ્યમંત્રી રાબડીદેવી પણ તેમાં જોડાયા હતા અને વિધાનસભાની કાર્યવાહી શરુ થતા જ વિપક્ષોએ આ મુદે ધમાલ મચાવતા આઠ મીનીટ માંડ ગૃહ ચાલ્યુ હતું.
