Mumbai, તા.17
રવિવારે ભારત A અને પાકિસ્તાન A વચ્ચે એશિયા કપ રાઇઝિંગ સ્ટાર્સ મેચ દરમિયાન પાકિસ્તાની ખેલાડીઓની હરકતોએ ફરી એકવાર વિવાદ ઉભો કર્યો. એશિયા કપ 2025 માં પડોશી દેશના ખેલાડીઓના ખરાબ વર્તન સામે ICC દ્વારા કાર્યવાહી બાદ, પરિસ્થિતિમાં સુધારો થવાની આશા હતી, પરંતુ પાકિસ્તાનમાં બીજી એક શરમજનક ઘટના બની.
મેચ દરમિયાન, યુવા પાકિસ્તાની સ્પિનર સાદ મસૂદે ભારતીય ઉપ-કપ્તાન નમન ધીરને આઉટ કર્યા પછી તેને ખૂબ જ આક્રમક વલણ સાથે વિદાય આપી. જેમાં તે નમન ને હાથનો ઈસરો કરી ગુસ્સામાં ગ્રાઉંડ બહાર જવાનું કહી રહ્યો છે.
નમન ધીરે 20 બોલમાં 35 રનની ધમાકેદાર ઇનિંગ રમી હતી, જેમાં છ ચોગ્ગા અને એક છગ્ગાનો સમાવેશ થાય છે. કેમેરામાં કેદ થયેલ સાદ મસૂદનું આ કૃત્ય સોશિયલ મીડિયા પર વાયરલ થયું. ચાહકો હવે તેની હરકતોની ટીકા કરી રહ્યા છે, તેને સસ્તી અને રમતની ભાવના વિરુદ્ધ ગણાવી રહ્યા છે.
