Islamabad,તા.૯
પાકિસ્તાન ક્રિકેટ ટીમનું પ્રદર્શન ત્રણેય ફોર્મેટમાં એટલું સારું રહ્યું નથી. પરંતુ હજુ પણ પાકિસ્તાન ક્રિકેટ બોર્ડ એટલે કે પીસીબી તેના સેન્ટ્રલ કોન્ટ્રાક્ટેડ ખેલાડીઓ પ્રત્યે દયાળુ જોવા મળી રહ્યું છે.માહિતી અનુસાર, જે ખેલાડીઓ પાકિસ્તાની બોર્ડની સેન્ટ્રલ કોન્ટ્રાક્ટ લિસ્ટનો ભાગ છે, તેમના પગારમાં ઘણો વધારો થવાનો છે. પાકિસ્તાન બોર્ડે સેન્ટ્રલ કોન્ટ્રાક્ટ ખેલાડીઓ માટે ૧૮.૩૦ અબજ ડોલરનું બજેટ પસાર કર્યું છે, જે ગયા વર્ષ કરતા ૩૭% વધુ છે. તમને જણાવી દઈએ કે પાકિસ્તાન ટીમ તાજેતરના સમયમાં આઇસીસી ટુર્નામેન્ટમાં સારું પ્રદર્શન કરી શકી નથી.
પીસીબી સાથે સંકળાયેલા સૂત્રોએ જણાવ્યું છે કે આ વર્ષે સેન્ટ્રલ કોન્ટ્રાક્ટમાં સામેલ ખેલાડીઓની સંખ્યામાં વધારો થવાનો છે. પહેલા પાકિસ્તાન બોર્ડ ૨૫ ખેલાડીઓને સેન્ટ્રલ કોન્ટ્રાક્ટમાં સ્થાન આપતું હતું, પરંતુ હવેથી ૩૦ ખેલાડીઓને સેન્ટ્રલ કોન્ટ્રાક્ટમાં સામેલ કરવામાં આવશે. આ સાથે, સૂત્રએ એમ પણ કહ્યું છે કે ડોમેસ્ટિક ક્રિકેટ રમતા ખેલાડીઓના બજેટમાં કાપ મૂકવામાં આવશે. પહેલા ઘરેલુ ક્રિકેટનું બજેટ ૬૮૪ મિલિયન પાકિસ્તાની ડોલર હતું, જે હવે ઘટાડીને ૪૫૦ મિલિયન ડોલર કરવામાં આવ્યું છે.
પીસીબીએ મહિલાઓ માટે સેન્ટ્રલ કોન્ટ્રાક્ટ લિસ્ટમાં પણ વધારો કર્યો છે. પહેલા પીસીબી સેન્ટ્રલ કોન્ટ્રાક્ટમાં કુલ ૧૬ મહિલા ખેલાડીઓનો સમાવેશ કરતું હતું, જે હવે વધારીને ૨૪ કરવામાં આવ્યું છે. આ સાથે, તેમણે મહિલા ક્રિકેટરોનું બજેટ પણ વધાર્યું છે. આ ખેલાડીઓ પર કુલ ૬૯ મિલિયન પાકિસ્તાની ડોલર ખર્ચ કરવામાં આવશે.
આ સાથે,પીસીબી ત્રણ મુખ્ય સ્ટેડિયમ – ગદ્દાફી સ્ટેડિયમ (લાહોર), નેશનલ સ્ટેડિયમ (કરાચી) અને રાવલપિંડી ક્રિકેટ સ્ટેડિયમ – માં માળખાગત સુવિધાઓના વિકાસ પર વધારાના છ અબજ પાકિસ્તાની રૂપિયા ખર્ચ કરશે, જેના માટે બોર્ડે ગયા નાણાકીય વર્ષના બજેટમાં લગભગ ૧૮ અબજ પાકિસ્તાની રૂપિયા ફાળવ્યા હતા.
