Morbi,તા.17
પાણીપૂરી વાળા અને બાંકડે બેસેલ એમ બેને હડફેટે લીધા હતા
પાણી પૂરી વાળાનં કરુણ મોત, એક યુવાનને ઈજા પહોંચી
હરબટીયાળી ગામ નજીક શાકભાજી વેચી પતિ-પત્ની વાહનની રાહ જોતા હતા અને બસ સ્ટેન્ડ પાસેના બાંકડા પર બેઠા હતા ત્યારે રાજકોટ તરફથી આવતી કારના ચાલકે ડીવાઈડર કુદાવી રોડ સાઈડમાં પાણીપુરી વાળા અને બાંકડા પર બેસેલ યુવાનને હડફેટે લીધા હતા જે અકસ્માતમાં પાણીપુરી વાળા યુવાનનું મોત નીપજ્યું હતું
ટંકારા તાલુકાના જીવાપર ગામના રહેવાસી જયંત કાંતિલાલ અઘારીયાએ કાર જીજે ૦૩ જેઆર ૪૭૮૦ ના ચાલક વિરુદ્ધ ફરિયાદ નોંધાવી છે કે ગત તા. ૧૩-૦૭ ના રાત્રીના નવ વાગ્યાના અરસામાં ફરિયાદીના ભાઈ દીપકભાઈ અને તેમના પત્ની કૈલાશબેન બંને હરબટીયાળી ગામમાં શાકભાજી વહેચી પરત જીવાપર ગામ આવવા માટે હરબટીયાળી બસ સ્ટેન્ડ પાસે જીવાપર ગામ જવાના રોડ પર વાહનની રાહ જોતા બાંકડે બેઠા હતા અને કાર ચાલક રાજકોટ તરફથી પુરઝડપે આવી ડીવાઈડર ટપાડી ફરિયાદીના ભાઈ દીપકભાઈ અને તેની આગળ ઉભેલ પાણીપુરી વાળા બંનેને હડફેટે લીધા હતા
જેમાં ફરિયાદીના ભાઈ દીપકભાઈને જમણા પગે ઘૂંટણથી પેની વચ્ચેના ભાગે ફ્રેકચર જેવી ગંભીર ઈજા પહોંચી હતી તો પાણીપુરી વાળા સંદીપકુમાર સર્વેશકુમાર નિશાદને માથે અને શરીરે ગંભીર ઈજા પહોંચતા મોત થયું હતું અને કાર ચાલક નાસી ગયો હતો ટંકારા પોલીસે ફરાર કાર ચાલક વિરુદ્ધ અકસ્માતની ફરિયાદ નોંધી ધોરણસરની કાર્યવાહી હાથ ધરી છે
