New Delhi,તા.16
કેન્દ્ર સરકાર આગામી ચોમાસુ સત્રમાં કુલ 8 નવા બિલ રજૂ કરવા અને પસાર કરવાની તૈયારી કરી રહી છે. આ સત્ર 21 જુલાઈથી શરુ થશે અને હવે 19 ઑગસ્ટ સુધી ચાલશે. અગાઉ ચોમાસું સત્ર 12 ઑગસ્ટ સુધી ચાલવાનું હતું, જેને બાદમાં એક અઠવાડિયા માટે લંબાવવામાં આવ્યું છે. લોકસભા સચિવાલયે જે મુખ્ય બિલો વિશે માહિતી આપી છે તેમાં કર, શિક્ષણ, રમતગમત અને ખનીજ નીતિ જેવા ક્ષેત્રોને લગતા બિલનો સમાવેશ થાય છે.
– મણિપુર GST (સુધારા) બિલ, 2025
– જાહેર ટ્રસ્ટ (જોગવાઈઓમાં સુધારો) બિલ, 2025
– ભારતીય વ્યવસ્થાપન સંસ્થા (સુધારા) બિલ, 2025
કરવેરા કાયદા (સુધારા) બિલ, 2025
– ભૌગોલિક વારસા સ્થળો અને ભૂ-અવશેષો (સંરક્ષણ અને જાળવણી) બિલ, 2025
– ખાણ (વિકાસ અને નિયમન) સુધારા બિલ, 2025
– રાષ્ટ્રીય રમતગમત વહીવટ બિલ, 2025
– રાષ્ટ્રીય ડોપિંગ વિરોધી (સુધારા) બિલ, 2025
– ગોવા રાજ્યના વિધાનસભા મતવિસ્તારોમાં અનુસૂચિત જનજાતિના પ્રતિનિધિત્વનું પુનર્ગઠન બિલ, 2024
– વેપારી શિપિંગ બિલ, 2024
– ભારતીય બંદરો બિલ, 2025
– આવક વેરા બિલ, 2025
કેન્દ્રીય સંસદીય મંત્રી કિરેન રિજિજુએ જણાવ્યું હતું કે સંસદનું ચોમાસુ સત્ર 21 જુલાઈ, 2025ના રોજ શરુ થશે અને 12 ઑગસ્ટના રોજ સમાપ્ત થશે. જોકે, અગાઉ 12 ઑગસ્ટે સત્ર પૂરું થવાનું હતું, પરંતુ હવે તેને એક અઠવાડિયા માટે લંબાવવામાં આવ્યું છે.
ત્રણ મહિનાથી વધુના વિરામ બાદ રાજ્યસભા અને લોકસભા બંનેની બેઠક 21 જુલાઈના રોજ સવારે 11 વાગ્યે મળશે. આ પહેલાં, 2025નું પહેલું સંસદ સત્ર, એટલે કે બજેટ સત્ર 31 જાન્યુઆરીએ શરુ થયું હતું અને 4 એપ્રિલે સમાપ્ત થયું હતું, જ્યારે બંને ગૃહોને અનિશ્ચિત સમય માટે સ્થગિત કરવામાં આવ્યા હતા.
ધારાસભ્યોને સંસદના આગામી ચોમાસુ સત્રના કાર્યક્રમ અને કામકાજના દિવસો વિશે ખાસ કરીને મેમ્બર્સ પોર્ટલ દ્વારા સમન્સ મોકલીને જાણ કરવામાં આવી હતી.
