Hampton,તા.૨૫
અમેરિકામાં તાજેતરના સમયમાં વિમાન અકસ્માતોની સંખ્યામાં વધારો થયો છે. હવે, અકસ્માત વર્જિનિયામાં થયો. અહીંના એક લશ્કરી મથક પર આગામી એર શોની તૈયારી કરતી વખતે એક વિમાન ક્રેશ થતાં પાઇલટનું મૃત્યુ થયું હતું. અધિકારીઓએ આ અકસ્માત અંગે માહિતી આપી છે.
અધિકારીઓએ જણાવ્યું હતું કે હેમ્પટનમાં જોઈન્ટ બેઝ લેંગલી-યુસ્ટિસ પર લેન્ડિંગ કરતી વખતે વિમાન ક્રેશ થયું હતું. વિમાનમાં ફક્ત પાયલોટ જ સવાર હતા. વિમાન ઉડાડનાર પાયલોટની હજુ સુધી ઓળખ થઈ નથી. પાયલોટ આ સપ્તાહના અંતે લશ્કરી બેઝ પર યોજાનારા ‘એર પાવર ઓવર હેમ્પટન રોડ્સ એર શો’ માટે તૈયારી કરી રહ્યો હતો.“આજે આપણે આપણા વાયુસેના પરિવારના એક મિત્રને ગુમાવ્યો,” જોઈન્ટ બેઝ લેંગલી-યુસ્ટિસના કમાન્ડર કર્નલ મેથ્યુ ઓલ્ટમેને એક નિવેદનમાં જણાવ્યું. મારી આખી જેબીએલઇ ટીમ વતી, હું પાઇલટના પરિવાર અને મિત્રો પ્રત્યે મારી હૃદયપૂર્વકની સંવેદના વ્યક્ત કરું છું. નેશનલ ટ્રાન્સપોર્ટેશન સેફ્ટી બોર્ડે સોશિયલ મીડિયા પ્લેટફોર્મ એકસ પર પોસ્ટ કર્યું કે તે એમએકસ વિમાન ક્રેશ થવાનું કારણ શું છે તેની તપાસ કરી રહ્યું છે. એમએકસ એરક્રાફ્ટ વેબસાઇટ અનુસાર,એમએકસએસ એક નાનું સિંગલ-સીટ એરક્રાફ્ટ છે.
