Junagadhતા. ૬
હબ ફોર એમ્પાવર મેન્ટ ઓફ વીમેન દ્વારા સ્પેશિયલ અવેરનેસ કેમ્પેઈન ડ્રાઇવ અંતર્ગત જુનાગઢ શહેરમાં આવેલ ભવનાથ આંગણવાડી કેન્દ્ર- ૧ ખાતે જાતિગત સંવેદનશીલતા અંતર્ગત એક કાર્યક્રમનું આયોજન કરવામાં આવ્યું હતું.
આ કાર્યક્રમ દરમિયાન લિંગ પર આધારિત ભેદભાવ અટકાવી, બધા લિંગોને સમાન અવકાશ અને સન્માન મળવું, દરેકના અનુભવ અને સમસ્યાઓને સમજવું, ઘરે, કાર્યસ્થળે અને સમાજમાં સર્વાંગી વિકાસ માટે સકારાત્મક વાતાવરણ બને, પરિવાર લિંગ સંવેદનશીલ બને તો તેઓ પુત્ર અને પુત્રી બંને સમાન વગેરે બાબતો અંગે ચર્ચા કર્યા બાદ રાજ્ય સરકારની વિવિધ મહિલાલક્ષી યોજનાકીય માહિતી અંગે ચર્ચા કરવામાં આવી હતી.
આ કાર્યક્રમમાં જિલ્લા મહિલા અને બાળ અધિકારી સી.જી. સોજીત્રા, દહેજ પ્રતિબંધક સહ રક્ષણ અધિકારી બી.ડી. ભાડના માર્ગદર્શન હેઠળ હબ ફોર એમ્પાવર મેન્ટ ઓફ વીમેનના કૃપાબેન ખુંટ, મીનાક્ષીબેન ડેર, રમેશભાઈ ભરડા, સખી વન સ્ટોપ સેન્ટરના હીરલબેન ખુંટ અને આંગણવાડી સ્ટાફના મિત્રો હાજર રહયા હતા.
