Ahmedabad તા.25
મેગા હરાજીમાં જતા પહેલા પંજાબ કિંગ્સે માત્ર બે અનકેપ્ડ ભારતીય ખેલાડીઓને જાળવી રાખ્યા હતા. હવે તેઓ લીગની સૌથી હોટ ‘નવી’ ટીમ છે. નવા કેપ્ટન શ્રેયસ અય્યર અને નવા મુખ્ય કોચ રિકી પોન્ટિંગના નેતૃત્વમાં આ નવી ટીમ ફરી એકવાર ટાઈટલ જીતવાનું 17 વર્ષ જૂનું સપનું પૂરું કરવાનો પ્રયાસ કરશે.
તેમના માર્ગમાં પહેલો પડકાર શુભમન ગિલની કપ્તાની હેઠળ રમી રહેલી ગુજરાત ટાઇટન્સનો હશે, જેના ગઢમાં પંજાબને રમવાનું છે.
ગુજરાત ટાઇટન્સે હાર્દિક પંડ્યાની કેપ્ટન તરીકે નિમણૂક કરી 2022માં ચેમ્પિયન બન્યા બાદ તેણે 2023માં રનર-અપનો ખિતાબ હાંસલ કર્યો હતો. પરંતુ ગત સિઝનમાં હાર્દિકની વિદાય બાદ ગીલના નેતૃત્વમાં ટીમ 8માં સ્થાને રહી હતી.
આ વખતે ગિલ પાસે પોતાની કેપ્ટનશિપ સાબિત કરવાની શાનદાર તક હશે. ટીમની બોલિંગ જોસ બટલર, સાઈ સુદર્શન અને શેરફેન રધરફોર્ડ જેવા ખેલાડીઓ પર નિર્ભર રહેશે જ્યારે રાશિદ ખાન, મોહમ્મદ સિરાજ અને કાગીસો રબાડા મહત્વની ભૂમિકામાં જોવા મળશે.
કિંગ્સનું અત્યાર સુધીનું પ્રદર્શન નિરાશાજનક રહ્યું છે. ટીમ છેલ્લે 2014માં પ્લેઓફ માટે ક્વોલિફાય થઈ હતી. શ્રેયસ અય્યરને આ વખતે કેપ્ટનશીપ આપવામાં આવી છે જેણે ગત વર્ષે કોલકાતા નાઈટ રાઈડર્સને ચેમ્પિયન બનાવ્યું હતું.
પંજાબની બોલિંગની વાત કરીએ તો કેપ્ટન અય્યર સિવાય જોશ ઈંગલ્સ, પ્રભસિમરન સિંહ, માર્કસ સ્ટોઈનિસ અને ગ્લેન મેક્સવેલ પર જવાબદારી રહેશે.
