કેરળના અટ્ટાપ્પડી ખાતે રજનીકાંત, રમ્યા ક્રિશ્નન અને મિર્ના મેનન સહિતની ટીમ ‘જેલર ૨’નું શૂટિંગ કરી રહી છે
Mumbai, તા.૨૬
મલયાલમ એક્ટર ફહાદ ફાસિલને ‘પુષ્પા’માં નેગેટિવ રોલના કારણે ઘણી લોકપ્રિયતા મળી છે. રજનીકાંતની આગામી ફિલ્મ ‘જેલર ૨’માં ફહાદ ફાસિલ પણ મહત્ત્વનો રોલ કરવાનો છે. અગાઉ આ બંને એક્ટર્સ ‘વેટ્ટૈયન’માં સાથે કામ કરીચૂક્યા છે. ડાયરેક્ટર નેલ્સન દીલિપકુમારના ડાયરેક્શનમાં રજનીકાંતની હિટ ફિલ્મ ‘જેલર’ની સીક્વલ બની રહી છે. ફિલ્મના શૂટિંગમાં ફહાદ પણ જોડાય તેવી શક્યતા છે. રળના અટ્ટાપ્પડી ખાત રજનીકાંત, રમ્યા ક્રિશ્નન અને મિર્ના મેનન સહિતની ટીમ ‘જેલર ૨’નું શૂટિંગ કરી રહી છે. ૨૦ દિવસનું તેનું શીડ્યુલ છે, જે પૂરું થયા બાદ આગામી શીડ્યુલમાં ફહાદ ફાસિલ પણ કાસ્ટની સાથે જોવા મળશે. રજનીકાંત સાથે મહત્ત્વના રોલમાં ફહાદની પસંદગી અંગે હજુ સત્તાવારા જાહેરાત થઈ નથી, પરંતુ ફહાદ અને રજનીકાંતને સાથે સ્ક્રિન પર જોવાની ઉત્સુકતા વધી ગઈ છે. રજનીકાંતે તાજેતરમાં ફિલ્મના સેટ પર ચાહકોનું અભિવાદન કર્યું હતું. સનરૂફવાળી કારમાં રજનીકાંત ચાહકોની વચ્ચેથી પસાર થયા ત્યારે હજારો લોકો ખુશ થઈ ગયા હતા. ચાહકો સાથે આ મુલાકાતના વીડિયો ખૂબ વાઈરલ થયા હતા. પોંગલના દિવસે સન પિક્ચર્સ દ્વારા આ ફિલ્મનું એનાઉન્સમેન્ટ થયુ હતું. આ ટ્રેલરમાં નિવૃત્ત જેલર ટાઈગર મુથુવેલ પાંડિયન તરીકે રજનીકાંતની વાપસીની જાહેરાત કરવામાં આવી હતી. ફિલ્મની સ્ટોરી અંગે ખાસ વાત હજુ થઈ નથી, પરંતુ ફહાદ ફાસિલના સમાવેશથી ‘જેલર ૨’ વધારે રસપ્રદ બનવાની અપેક્ષા છે.
