મોચીબજારમાં વૃધ્ધાને લચ્છી પીવડાવી રૂ.1.07 લાખના દાગીના, નાગરિક બેંક ચોક પાસેથી વૃધ્ધાને ઠંડુ પીવડાવી રૂ.80 હજારની મતા સેરવી લઈ નાસી છૂટ્યા ’તા
મવડીના વૃધ્ધાને સરકારી દવાખાનું દેખાડવાનું કહીં અને નાગરિક બેંક ચોકમાં ૬૫ વર્ષીય લચ્છી, સરબત પાઇ અર્ધબેભાન કરી લાફા મારી બંટી-બબલીએ સોડા પીવડાવી ફડાકા ઝીંકી લૂંટ ચલાવી ’તી:
Rajkot,તા,18
રાજકોટ વૃધ્ધ મહિલાઓને કેફી પીણું પીવડાવી અર્ધ-બેભાન કરી ફડાકા ઝીંકી સોનાના દાગીનાની લૂંટ ચલાવી નાસી છૂટતી બંટી-બબલીને તાલુકા પોલીસની ટીમે સકંજામાં લઈ પ્રાથમિક પૂછપરછમાં કાર્યવાહી હાથ ધરી છે.
વધુ વિગત મુજબ માધાપર ગામ આંબેડકર નગર શેરી નં. 01 માં રહેતાં નાથીબેન ડાયાભાઈ પરમાર એ એ. ડિવિઝન પોલીસ મથકમાં નોંધાવેલ ફરીયાદમાં આરોપી તરીકે અજાણી મહિલા અને અજાણ્યાં પુરૂષનું નામ આપી જણાવ્યું હતું કે,
ગઇ તા.23/12/2024 ના વિધવા સહાય અંગેનું પેન્સન બંધ થઇ ગયેલ હોય જેથી તેઓ માધાપરથી રીક્ષામાં બેસી જુની કલેકટર કચેરી કામ પુરૂ કરી ચાલતાં ચાલતાં મોચીબજારમાં આવેલ ચર્ચની સામે આવેલ કરિયાણાની દુકાન સામે પહોંચતા તેઓને ચકકર આવતા હનુમાનજીના મંદીર પાસે બેસી ગયેલ અને ત્યારે દિયર હીરાભાઈ સાથે ફોનમાં વાત કરતી હતી.
દરમિયાન તેમની પાસે એક ભાઈ તથા એક બહેન આવેલા અને બહેને કહેલ ડોસીમાં તમને ચકકર આવતા હોય તો અહીં બેસો અને હું તમારા દીયર હીરાભાઈને ઓળખું છું એમ કહી વાતચીત કરવા લાગેલ અને તેઓ માટે નજીકની દુકાનમાં જઇ લચ્છી લઈ આવેલ અને લચ્છી આપતા તેઓએ લચ્છી પીધેલ, લચ્છી પીધા બાદ તેઓ અર્ધ બેભાન જેવા થઈ ગયેલા હતાં.
તે દરમિયાન કાનના પહેરેલા બુટીયા કાનમાંથી કાઢી લેવા માટે બળજબરી કરતા હોય જેથી તેને રોકી પ્રતિકાર કરતા અજાણ્યા બહેને ત્રણ ફડાકા માર્યાં હતા. બાદ તેઓ બેભાન થઇ ગયેલા હતાં. બાદ તેઓ ચારથી પાંચ દીવસ બેભાન અવસ્થામાં રહેલ અને રાજકોટ સીવીલ હોસ્પીટલમાં ઇમરજન્સી વોર્ડમાં સારવારમાં રહેલ અને ભાનમાં આવતાં જોયુ તો બંન્ને કાનમાં પહેરેલ સોનાના કોપ રૂ.60 હજાર, બંન્ને કાનની નખશી, બંને પગના ચાંદીના સાંકળા અને મોબાઇલ મળી કુલ રૂ.1,07,500 નો મુદામાલ જોવામાં આવેલ નહી.
જ્યારે મોચીબજાર તીલક પ્લોટ શેરી નં-01 માં રહેતાં જાનાબેન હરીભાઈ ખીમસુરીયા એ એ. ડિવિઝન પોલીસ મથકમાં નોંધાવેલ ફરીયાદમાં જણાવ્યું હતું કે, ગઇ તા.13 ના બપોરના દોઢેક વાગ્યાની આસપાસ તેઓ ઘરેથી જયુબેલી શાક માર્કેટમાં શાક બકાલુ લેવા માટે ગયેલ અને નાગરીક બેંક ચોક સામે રોડ ઉપર શાક બકાલુ ખરીદ કરતાં હતાં ત્યારે અજાણ્યા બહેન આવેલા અને કહેલ કે, તુ મારી દીકરી છે, તને મારે ઠંડુ પીવડાવવું છે, તેમ કહી લચ્છી તેમજ ગુલાબ સરબતમાં કંઇક પ્રવાહી ભેળવીને પીવડાવી દેતાં તેઓ અર્ધ-બેભાન થઈ ગયેલ હતાં.
બાદ અજાણી બહેને તેઓએ કાનમાં પહેરેલ બુંટીયા બળજબરી પૂર્વક કાઢવા જતા તેમનો સામનો કરતા અજાણી બહેને ફડાકા મારવા લાગેલ અને ત્યાર બાદ તેઓ બેભાન થઈ ગયેલ હતાં. તેઓ સીવીલ હોસ્પીટલમાં ઈમરજન્સી વોર્ડમાં સારવારમાં રહેલ અને ભાનમાં આવતા જોયુ તો કાનમાં પહેરેલ સોનાના બુંટીયા, કાનની સોનાની બૂંટીઓ રોકડ રૂપીયા મળી કુલ રૂ.80500 નો મુદામાલ જોવામાં આવેલ નહીં.
ઉપરાંત મવડી-કણકોટ રોડ પર લાલુભાઈ પારેખ ટાઉનશીપમાં રહેતાં પુષ્પાબેન લાલજીભાઈ નકુમ (ઉ.વ.62) એ તાલુકા પોલીસ મથકમાં નોંધાવેલ ફરીયાદમાં જણાવ્યું હતું કે, ગઇ તા.14 ના તેઓ મવડી-પાળ રોડ પર આવેલ રામધણ આશ્રમ દર્શન કરવા માટે ઘરેથી ચાલીને જવા નિકળેલ અને રામધણ આશ્રમ દર્શન કરી તેઓને દવાખાને જવું હોય.
જેથી ત્યાંથી નિકળી નજીકમાં આવેલ સાવન ચોક ખાતે બે મોટી ઉમરના બાપા બેઠા હોય તેઓને પુછેલ કે, મારે સરકારી દવાખાને જવુ છે તો અહિ નજીકમાં ક્યાં સરકારી દવાખાનુ આવેલ છે દવાખાનુ બંધ હશે ત્યારે અજાણ્યા બહેન આવેલ અને કહેલ કે, મારે પણ દવાખાને જવુ છે તો ચાલો હું તમને સરકારી દવાખાને લઈ જાવ, તે બહેન સાથે એક અજાણ્યો પુરૂષ પણ હતો અને તે બહેન ચા ની કેબીનેથી ચા લાવી પીવડાવેલ હતી.બાદ તેમનું માથુ થોડુ ભારે લાગવા લાગેલ અને તે બહેન પાછળ તેઓ ચાલવા લાગેલ અને ભાઈ મોપેડ લઈ પાછળ પાછળ આવતા હતા. તેઓને મવડી તરફ લઇ ગયેલ અને ત્યારે ચાલતા ચાલતા આ ભાઈ સોડા લાવી તેમને પીવડાવેલ હતી. મવડી કણકોટ રોડ ડ્રીમ સીટી ચોક નજીક અવાવારૂ જગ્યાએ રેતીના ઢગલા પાસે બેઠેલ હતા.તેઓનું માથુ ભારે લાગતુ હતુ ત્યારે તે બહેને કહેલ કે, થોડીવાર નિંદર કરી જાવ પરંતુ તેઓએ ના પાડેલ હતી. બાદમાં દાગીના વિષે પૂછી તે બહેન રેતીના ઢગલામાં આડા પડેલ અને તેઓને આરામ કરવાનું કહેતા તેને ના પાડતા ફડાકા મારવા લાગતાં તેઓ અર્ધ બેભાન જેવી થઇ જતા તે બંને સોનાની બુટી, નાકમાં પહેરેલ સોનાનો દાણો તથા પાકીટમાં પડેલ રોકડા રૂપિયા લૂંટી નાસી છૂટ્યા હતાં. બનાવ અંગેની ફરીયાદ પરથી ક્રાઈમ બ્રાન્ચ અને તાલુકા પોલીસની ટીમે તપાસમાં ઝંપલાવી કેફી પીણું પીવડાવી વૃધ્ધ મહિલાઓને બેભાન કરી લૂંટ ચલાવતી બંટી-બબલીને સકાંજામાં લઈ સઘન પૂછતાછ હાથ ધરી વધું લૂંટના ભેદ ખોલવા તજવીજ હાથ ધરી હતી.
