ત્રણ પોલીસ મથકના ચોપડે ચોરીના ગુનામાં ચડી ચૂકેલા શખ્સને વડોદરા જેલમાં ધકેલવામાં આવ્યો
Rajkot,તા.03
શહેરમાં વાહન ચોરીનો તરખાટ મચાવનાર પુનિત નગર વિસ્તારના વૃંદાવન સોસાયટીમાં રહેતા જયદીપ કિશોર મોરી નામના રીઢો તસ્કર ની પાસા હેઠળ અટકાયત કરી વડોદરા જેલમાં ધકેલવામાં આવ્યો છે. વધુ વિગત મુજબ શહેરમાં કાયદો અને વ્યવસ્થા જાળવવા તેમજ આર્થિક ગુનાઓ અટકાવવા માટે ગુનેગારો સામે કડક સાથે કામગીરી કરવા પોલીસ કમિશનર બ્રજેશ ઝાએ આપેલી સૂચનાને પગલે ભક્તિનગર પોલીસ મથકના પીઆઇ મયુરધ્વજસિંહ સરવૈયા સહિતના સ્ટાફ દ્વારા ઇ ગુજકોપ પ્રોજેક્ટમાં ગુનાહિત ઇતિહાસ ચેક કરતા જેમાં પુનિત નગર વિસ્તારમાં આવેલી વૃંદાવન સોસાયટીમાં રહેતો જયદીપ કિશોર મોરી નામના શખ્સ સામે તાલુકા ,આજીડેમ અને ભક્તિનગર પોલીસ મથકના ચોપડે ચોરીના ગુનામાં ચડી ચૂક્યો હોવાથી તેની સામે પીસીબી દ્વારા કરવામાં આવેલી પાસાની દરખાસ્તને પોલીસ કમિશનર બ્રજેશકુમાર ઝા એ મંજૂરીની મહોર માનતા જે વોરંટની ભક્તિનગર પોલીસ મથકના પીઆઇ મયુરધ્વજસિંહ સરવૈયા, એ.એસ.આઇ નિલેશભાઈ મકવાણા , હેડ કોન્સ્ટેબલ નરેન્દ્રભાઈ ગઢવી અને હિતેન્દ્રસિંહ ઝાલા સહિતના સ્ટાફે વોરંટ ની બજવણી કરી જયદીપ મોરી ની અટકાયત કરી વડોદરા જેલ હવાલે ધકેલવામાં આવ્યો છે.
