Rajula,તા.08
રાજુલા તાલુકાના નવા આગરીયા ગામે શ્રી જે. એ. સંઘવી હાઈસ્કૂલના એન.એસ.એસ. યુનિટ દ્વારા વાર્ષિક શિબિરનું આયોજન કરવામાં આવ્યું હતું. આ શિબિરમાં ગ્રામ સફાઈ, વૃક્ષારોપણ, પર્યાવરણ જાગૃતિ, ભિંતસૂત્રોનું લેખન, સર્વરોગ નિદાન કેમ્પ, બ્લડ ડોનેશન કેમ્પ સહીત વિવિઘ પ્રવૃત્તિઓ હાથ ધરવામાં આવી હતી. આ વાર્ષિક શિબિર દરમીયાન લલ્લુભાઈ શેઠ આરોગ્ય મંદિર-સાવરકુંડલાના સહયોગથી સર્વરોગ નિદાન કેમ્પમાં 80 જેટલા દર્દીઓએ લાભ લીધો તેમજ નવકાર બ્લડ બેન્ક મહુવાના સહયોગથી બ્લડ ડોનેશન કેમ્પમાં 25 બ્લડની બોટલ એકત્રિત કરવામાં આવી હતી. આ સમગ્ર કેમ્પને સફળ બનાવવામાં જે. એ.સંઘવી હાઈસ્કૂલના ટ્રસ્ટી બીપીનભાઈ લહેરી તેમજ આચાર્ય જે.એમ.વાઘના માર્ગદર્શનમાં શાળાના એન.એસ.એસ. કો-ઓર્ડીનેટર એમ.એમ. નિમાવત, શાળાના મદદનીશ શિક્ષક એચ.ડી. ગુજરીયા તથા જે.એ.સંઘવી હાઇસ્કુલ શાળા પરિવાર દ્વારા જહેમત ઉઠાવવામાં આવેલ હતી. આ કેમ્પ દરમીયાન સમગ્ર ગ્રામ પંચાયત પરિવાર અને નવા આગરીયા પ્રાથમિક શાળા પરિવાર દ્વારા સંપૂર્ણ સહયોગ બદલ આભાર વ્યક્ત કર્યો હતો
