Mumbai,તા.14
સલમાન ખાનને સત્ય ઘટના પર આધારિત બેટલ ઓફ ગલવાનથી બહુ આશા હતી. પરંતુ હાલ આ ફિલ્મ મુશ્કેલીમાં મુકાઇ ગઇ છે. કહેવાય છે કે, ફિલ્મના વિષયને ભારતીય સેના તરફથી સમર્થન મળતું નથી. જો સેના આ ફિલ્મની વાર્તા પર સત્તાવાર મોહર નહીં લગાડે તો સલમાનની આ ફિલ્મ બંધ થઇ જાય તેવી પુરી શક્યતા છે. એક રિપોર્ટમાં એવો દાવો કરવામાં આવ્યો છે કે, સલમાન ખાનની ફિલ્મ બેટલ ઓફ ગલવાનની વાર્તા ભારત-ચીનના ૨૦૨૦ના વિવાદ પર આધારિત છે. બન્ને દેશ વચ્ચે એક હિંસક સંઘર્ષ થયો હતો.ભારતીય સેનાને હવે લાગે છે કે, આ વિષય બહુ જ સેન્સિટિવ છે, જેથી તેમણે ફિલ્મને હજી સુધી સત્તાવાર રીતે સમર્થન આપ્યું નથી. સલમાન ખાન આ બાબતે આર્મી સાથે વાતચીત કરી રહ્યો છે.
તેમ છતાં સેના ફિલ્મ બનાવવા માટે સત્તાવાર રીતે સમર્થન નહીં આપે તો અભિનેતા મુસીબતમાં આવી પડશે.
જો ભારતીય સેના આ ફિલ્મને બનાવવા પર સમંત નહીં થાય તો, ફિલ્મસર્જકે આ પ્રોજેક્ટને બંધ કરવો પડશે અથવા તો સ્ટોરીમાં ધરખમ બદલાવ કરીને કરવી પડશે.
