સદનસીબે ખુરશીઓ ખાલી હોવાથી કોઈ જાનહાની નહિ, આગળ પણ એક કારને ટક્કર મારી
(રવિ નિમાવત દ્વારા)
Morbi તા.૧૬ઃ
Morbiમાં પોલીસની ધાક ઓસરી ગઈ હોય તેમ ગુનાખોરી સતત વધી રહી છે લુખ્ખા તત્ત્વો અવારનવાર પોલીસની કામગીરી સામે સવાલો ઉભા થાય તેવા કૃત્યો જાહેરમાં કરતા જોવા મળે છે ગત રાત્રીના મોરબીના ભવાની ચોક ગરબી ચોકમાં ગરબી ચાલુ હતી ત્યારે એક સ્કોર્પીઓ કાર ચાલકે પુરઝડપે ગાડી ચલાવી જગ્યા ના હોવા છતાં ખુરશીઓ ઉલાળી પુરઝડપે નીકળી ગયો હતો
શહેરના ભવાની ચોકમાં પ્રાચીન ૫૬ વર્ષથી ચાલતી ગરબી ચાલી રહી હતી ત્યારે એક સ્કોર્પીઓ કારનો ચાલક પુરઝડપે ગરબી ચોક પાસેથી પસાર થયો હતો અને ગરબી જોવા આવનાર માટે ખુરશીઓ રાખી હોવાથી ગાડી નીકળે તેટલી જગ્યા ના હોવા છતાં ખુરશીઓ ઉલાળી ગાડી ચલાવી પુરઝડપે નીકળી ગયો હતો કાર ચાલકે જે ખુરશીઓ ઉલાળી તેની નજીક જ અન્ય ખુરશીઓમાં લોકો બેસેલ હતા સદનસીબે જે ખુરશીઓને ઠોકર મારી તેમાં કોઈ બેસેલ ના હોવાથી કોઈ જાનહાની કે ઈજા થઇ નથી
જે સમગ્ર ઘટના સીસીટીવી કેમેરામાં કેદ થઇ છે એટલું જ નહિ આ બેફામ ચલાવતા કાર ચાલકે આગળ જતા એક અન્ય કારને પણ ટક્કર મારી હતી રાત્રીનો સમય હોવાથી કાર રોડ પર ઉભી હતી જેની સાઈડમાંથી કાઢવા જતા એ કારને પણ ટક્કર મારી હતી જે સ્કોર્પીઓ કાર પાછળ એક ત્રિપલ સવારી બાઈક પણ સીસીટીવી કેમેરામાં જોવા મળે છે તે બાઈક વાળા કારની સાથે હતા કે કાર પાછળ પડ્યા હતા તે તપાસ બાદ સ્પષ્ટ થશે તેમજ હિંદુ તહેવાર દરમિયાન શંતિ ડહોળવાનો પ્રયાસ હતો કે કેમ તે દિશામાં પણ તપાસ કરવી જરૂરી છે
જોકે આ ઘટનાએ ફરીથી પોલીસની કામગીરી સામે સવાલો ઉભા કર્યા છે જે ગરબી ચોકમાંથી સ્કોર્પીઓ ચાલક પુરઝડપે નીકળ્યો ત્યાં એક પોલીસ જવાન પણ તૈનાત હતા ગરબીમાં સુરક્ષા કારણોસર પોલીસનો બંદોબસ્ત આપવામાં આવે છે અને પોલીસની હાજરી છતાં આવારા તત્વોને પોલીસનો ખોફ રહ્યો ના હોય તેમ બેફામ ગાડી ચલાવી લોકોના જીવ જોખમમાં મૂકી રહ્યા છે ત્યારે કાયદાના રક્ષકોએ આવા તત્વોને કાયદાનું ભાન કરાવી લોકોને ભયમુક્ત વાતાવરણ પૂરું પાડવામાં આવે તેવી માંગ ઉઠી રહી છે
ભવાની ચોકમાં ગરબીમાં ગોઠવેલી ખુરશીઓ કાર ચાલકે ઉલાળી તે સ્થળ એ ડીવીઝન પોલીસ સ્ટેશનની પાછળ છે ભવાની ચોકથી એ ડીવીઝન પોલીસ મથક ૧૦૦ મીટર પણ છેટું નથી પાછળના ભાગમાં પોલીસ લાઈન પડે છે જેમાં એ ડીવીઝન પોલીસ મથક આવેલ છે અને પોલીસ મથકની આટલી નજીકના વિસ્તારમાં પણ આવારા તત્વો સીન સપાટા નાખતા જરા પણ ડર અનુભવતા નથી અને પોલીસનો કોઈ ખૌફ રહ્યો ના હોય તેવો ઘાટ સર્જાઈ રહ્યો છે
મોરબીમાં ધાર્મિક નવરાત્રીના આયોજન દરમિયાન બેદરકારીપૂર્વક વાહન ચલાવવાની ઘટના અંગે વિશ્વ હિન્દુ પરિષદબજરંગ દળની કડક કાર્યવાહીની માંગમોરબી મોરબીમાં ચાલી રહેલા પવિત્ર નવરાત્રી મહોત્સવ દરમિયાન ગઈકાલે રાત્રે એક ગંભીર ઘટના સામે આવી હતી. પ્રાપ્ત માહિતી મુજબ, એક સ્કોર્પિયો કાર પૂરપાટ ઝડપે ચલાવીને ગરબીના આયોજન સ્થળે બાળાઓ બેઠી હોય તે વિસ્તાર તરફ લઈ જવામાં આવી હોવાની ઘટના બની હતી. આવી બેદરકારીભરી હરકતથી કોઈ મોટી દુર્ઘટના સર્જાઈ હોત તો નિર્દોષ લોકોના જીવ જોખમમાં મુકાઈ શક્યા હોત. ધાર્મિક ઉત્સવ દરમિયાન આવી ઘટનાઓ અત્યંત ચિંતાજનક છે.
ઘટનાની જાણ થતાં જ વિશ્વ હિન્દુ પરિષદબજરંગ દળના કાર્યકર્તાઓ રાત્રે જ ઘટનાસ્થળે પહોંચ્યા હતા અને પોલીસ પ્રશાસન સમક્ષ સમગ્ર ઘટનાની ગંભીરતાને ધ્યાનમાં રાખીને જવાબદારો સામે કાયદેસરની તથા કડક કાર્યવાહી કરવાની રજૂઆત કરી હતી. સાથે જ, જે ગરબીના આયોજન સ્થળે આ ઘટના બની હતી, ત્યાંના આયોજક ભાઈઓની મુલાકાત લઈને તેમની સાથે ચર્ચા કરવામાં આવી હતી અને તેમને યોગ્ય સહયોગ આપવાની ખાતરી આપવામાં આવી હતી.
વિશ્વ હિન્દુ પરિષદબજરંગ દળે સ્પષ્ટ જણાવ્યું છે કે નવરાત્રી એ માતાજીની આરાધના, પૂજા-પાઠ અને શક્તિ ઉપાસનાનો પવિત્ર તહેવાર છે. આવા ધાર્મિક આયોજનોમાં બાળાઓ, મહિલાઓ, પરિવારો અને નાગરિકો સુરક્ષિત વાતાવરણમાં ઉત્સવ ઉજવી શકે તે સુનિશ્ચિત કરવું પોલીસ પ્રશાસન તથા સંબંધિત તંત્રની મહત્વપૂર્ણ જવાબદારી છે.
સંગઠને વધુમાં જણાવ્યું હતું કે, જો કોઈ વ્યક્તિ દારૂ કે અન્ય નશાની હાલતમાં વાહન ચલાવીને અથવા પૂરપાટ ઝડપે અને બેદરકારીપૂર્વક ડ્રાઇવિંગ કરીને જાહેર જનતા, ગરબીના આયોજકો કે ધાર્મિક સ્થળોની સુરક્ષાને જોખમમાં મૂકે, તો આવી હરકતો કોઈપણ સંજોગોમાં ચલાવી લેવામાં આવશે નહીં. આ પ્રકારની પ્રવૃત્તિઓ સામે સંગઠનનો સખત વિરોધ છે.
સમગ્ર મોરબીમાં જ્યાં જ્યાં નવરાત્રી અને ગરબીનું આયોજન થઈ રહ્યું છે, ત્યાં આયોજક ભાઈઓની સુરક્ષા અને સહયોગ માટે વિશ્વ હિન્દુ પરિષદબજરંગ દળ તેમની સાથે ઊભું છે. કોઈપણ સ્થળે ધાર્મિક લાગણીઓને ઠેસ પહોંચાડવાનો, ધાર્મિક આયોજનમાં ખલેલ પહોંચાડવાનો કે લોકોની સુરક્ષાને જોખમમાં મૂકવાનો પ્રયાસ થશે, તો સંગઠન કાયદાકીય માર્ગૅ યોગ્ય રજૂઆત કરી જરૂરી કાર્યવાહી માટે અવાજ ઉઠાવશે.
સંગઠને પોલીસ પ્રશાસનને અપીલ કરી છે કે સમગ્ર ઘટનાની નિષ્પક્ષ તપાસ કરવામાં આવે, સીસીટીવી ફૂટેજ તથા અન્ય ઉપલબ્ધ પુરાવાઓની ચકાસણી કરવામાં આવે અને તપાસમાં દોષિત જણાતા વ્યક્તિઓ સામે કાયદા મુજબ તાત્કાલિક અને કડક કાર્યવાહી કરવામાં આવે. સાથે જ, નવરાત્રીના બાકીના દિવસોમાં તમામ ગરબી સ્થળોએ જરૂરી પોલીસ બંદોબસ્ત અને સુરક્ષાની વ્યવસ્થા મજબૂત કરવામાં આવે, જેથી કોઈ અનિચ્છનીય ઘટના ન બને.
