Mumbai,તા.20
સ્મોલ અને મીડિયમ એન્ટરપ્રાઈસ (એસએમઈ) આઈપીઓ સેગ્મેન્ટમાં ત્રણથી ચાર ઈનિશિયલ પબ્લિક ઓફરિંગ (આઈપીઓ) એડવાઈઝરી એકમોની પ્રવૃતિઓની મૂડી બજાર નિયામક તંત્ર સિક્યુરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) તપાસ કરી રહ્યું છે.
આઈપીઓને જંગી પ્રતિસાદ મેળવી આપવામાં મદદ અને લિસ્ટિંગમાં જંગી ઉછાળાની ખાતરી આપવા સંબંધિત બિનરજીસ્ટર્ડ એકમો વિરૂધ્ધ ફરિયાદો મળ્યા બાદ નિયામક તંત્ર દ્વારા તપાસ શરૂ કરાઈ છે. આ મામલે જાણકાર લોકોનું કહેવું છે કે, સેબી મુંબઈ અથવા અમદાવાદ સ્થિત એસએમઈ આઈપીઓ સેગ્મેન્ટમાં અત્યંત સક્રિય ત્રણથી ચાર એડવાઈઝરી એકમોની ભૂમિકામાં તપાસ કરી રહ્યું છે.
પબ્લિક ઈસ્યુઓને અસાધારણ ઊંચુ ભરણું મળી રહ્યાનું અને આ પૈકી ઘણા ઈસ્યુઓમાં સો ગણાથી વધુ ભરણું છલકાતું હોવાનું અને ત્યાર બાદ લિસ્ટિંગમાં અસાધારણ ઉછાળા જોવાતાં હોઈ એસએમઈ આઈપીઓ સેગ્મેન્ટ સમાચારોમાં રહ્યું છે. ૨૦૦ દિવસના વિલંબ બાદ કંપનીએ સ્વતંત્ર ડિરેકટર એમસી ઓડ લોટના રાજીનામા અંગે એક્સચેન્જોને જાણ કરી હતી. સેબી ઈચ્છે છે કે, એડવાઈઝરી સંસ્થા આઈએસએફ આઈપીઓ પ્રોસ્પેક્ટસ માટે સેક્ટર-સ્પેસિફિક, સ્ટાન્ડર્ડ કેપીઆઈ વિકસિત કરે. સેબીએ સસ્ટેઈનેબલ ફાઈનાન્સ ફ્રેમવર્કના વિસ્તરણનો પ્રસ્તાવ મૂક્યો છે. સિક્યુરિટાઈઝ્ડ ઈન્સ્ટ્રુમેન્ટ્સ સૂચવે છે કે, સેબીએ સસ્ટેનેબલ ફાઈનાન્સ ફ્રેમવર્કના વિસ્તરણની દરખાસ્ત કરી છે.
એસએમઈ આઈપીઓ સેગ્મેન્ટમાં આવી ઘણી આઈપીઓ એડવાઈઝરી કંપનીઓની એન્ટ્રી જોવા મળી છે, જે સેબીના કાર્યક્ષેત્રની બહાર કામ કરે છે, કેમ કે આ એકમો નિયમનકાર સાથે રજીસ્ટર્ડ નથી. જેના પરિણામે આ કંપનીઓ કોઈપણ નિયમો અથવા નિયમોથી બંધાયેલી નથી, એવું આ તપાસથી વાકેફ એક વ્યક્તિએ જણાવ્યું હતું. આ ત્રણથી ચાર એકમો મુંબઈ અથવા અમદાવાદ સ્થિત છે.
જેમણે એસએમઈ આઈપીઓ સેગ્મેન્ટમાં જંગી બજાર હિસ્સો કબજે કરેલો છે અને તેઓ બ્રોકરો અને હાઈ નેટવર્થ ઈન્વેસ્ટરોના પોતાના વિશાળ નેટવર્કનો ઉપયોગ કરે છે. જેઓ સામાન્ય રીતે મર્ચન્ટ બેંકિંગની પ્રવૃતિ કરે છે, પરંતુ સેબી પાસેથી મર્ચન્ટ બેંકિંગ લાયસન્સ લીધા વિના આવી પ્રવૃતિ કરી રહ્યા છે.
