Mumbai, તા.1
આન્દ્રે રસેલ 2014 થી KKR ફ્રેન્ચાઇઝનો ભાગ છે. જોકે, તેણે હવે IPLમાંથી નિવૃત્તિની જાહેરાત કરી છે. આન્દ્રેએ 2026 ના ખેલાડીઓની હરાજી પહેલા નિવૃત્તિની જાહેરાત કરીને બધાને આશ્ચર્યચકિત કરી દીધા હતા. જોકે, તેણે એ પણ સ્પષ્ટ કર્યું કે તે હવે KKR ના કોચિંગ સ્ટાફનો ભાગ રહેશે, પાવર કોચ તરીકે સેવા આપશે. શાહરૂખ ખાને રસેલને તેની નવી ભૂમિકા બદલ અભિનંદન પાઠવ્યા.
શાહરૂખ ખાને સોશિયલ મીડિયા પોસ્ટ દ્વારા KKR ટીમમાં યોગદાન આપવા બદલ આન્દ્રે રસેલનો આભાર માન્યો. તેમણે પાવર કોચની નવી ભૂમિકા માટે તેમને અભિનંદન પણ પાઠવ્યા. રસેલની પોસ્ટ પર પ્રતિક્રિયા આપતા શાહરૂખ ખાને લખ્યું, “આંદ્રે, અદ્ભુત યાદો માટે આભાર. અમારા પ્રખ્યાત યોદ્ધા, KKR માં તમાંરું યોગદાન અવિસ્મરણીય છે, અને હવે એક ખેલાડી તરીકે હવે તમારી શાનદાર સફર વધુ એક ચેપ્ટર … પાવર કોચ ના રૂપમાં.’
શાહરૂખ ખાને આગળ લખ્યું, “તમારી ભૂમિકા મજબૂત રહેશે, જે અમારા પર્પલ અને ગોલ્ડ છોકરાઓને શાણપણ અને શક્તિ આપશે. અને હા, બીજી કોઈ પણ જર્સી તમારા પર વિચિત્ર લાગશે, મારા મિત્ર… મસલ રસેલ જીવનભર! આખી ટીમ અને રમતને પ્રેમ કરનારા દરેક વ્યક્તિ તરફથી તમને ખૂબ ખૂબ પ્રેમ.”
રસેલે ઇન્સ્ટાગ્રામ પર લખ્યું, “હું IPLમાંથી નિવૃત્તિ લઈ રહ્યો છું. IPLમાં આ એક અદ્ભુત સફર રહી છે, 12 વર્ષની યાદો અને KKR પરિવાર તરફથી ખૂબ પ્રેમ. હું હજુ પણ વિશ્વભરની અન્ય લીગમાં સિક્સર મારતો રહીશ અને વિકેટ લેતો રહીશ.
સૌથી સારી વાત એ છે કે, હું ઘર છોડી રહ્યો નથી. તમે મને એક નવી ભૂમિકામાં જોશો. 2026 માં પાવર કોચ. એક નવો અધ્યાય, પરંતુ તે જ ઉર્જા, હંમેશા નાઈટ રાઇડર્સનો ભાગ.”
