Morbi,તા.29
વાંકાનેર તાલુકાની લુણસર ચોકડીએ આવેલ ગેરેજનું શટર ખોલી ચોર ઇસમોએ ગેરેજમાં રાખેલ સોનાની વીંટી, ચાંદીની લક્કી અને ૩૦,૭૦૦ ની રોકડ રકમ સહીત ૬૫ હજારથી વધુના મુદામાલની ચોરી અંગે વાંકાનેર સીટી પોલીસે ફરિયાદ નોંધી તપાસ ચલાવી છે
મૂળ યુપી હાલ લુણસર ચોકડી પાસે ગેરેજ ચલાવતા નદીમખાન રઈશખાન પઠાણ (ઉ.વ.૨૨) નામના યુવાને પોલીસ ફરિયાદ નોંધાવી છે કે ગત તા. ૨૮-૦૭ ના સવારના ૫ : ૩૦ થી ૫ : ૪૫ વાગ્યાના અરસામાં અજાણ્યા ચોર ઇસમોએ લુણસર ચોકડી પાસે આવેલ તાજ કમાન ગેરેજ દુકાનનું શટર ખોલી દુકાનમાં પ્રવેશ કર્યો હતો અને દીવાલની ખીંટીમાં ટીંગાડેલ બેગમાંથી એક સોનાની વીંટી, કીમત રૂ ૨૦,૧૨૪ ચાંદીની લક્કી કીમત રૂ ૧૪,૮૬૭ અને રોકડ રૂ ૩૦,૭૦૦ મળીને કુલ રૂ ૬૫,૬૯૧ ની મત્તા ચોરી કરી ગયાની ફરિયાદ નોંધાવી છે વાંકાનેર સીટી પોલીસે ફરિયાદ નોંધી વધુ તપાસ ચલાવી છે
