Prabhas-Patan, તા.૧૩
વિશ્વ પ્રસિઘ્ધ સોમનાથ મહાદેવ મંદિર અને ૧૧૦ કી.મી.ના ગીર સોમનાથ જીલ્લાના દરિયામાં અને કિનારાઓમાં સાગર સુરક્ષા કવચનો પ્રારંભ થયો છે. જે આજે રાત્રીના ૮ વાગ્યે સાગર મોકડ્રીલની આ કવાયત પુરી થશે. ગીર સોમનાથ જીલ્લા પોલીસ વડા મનોહરસિંહ જાડેજાની આગેવાની નીચે જીલ્લાની એસઓજી, એલસીબી, દરિયાઈ સીમાને સાંકળતા પોલીસ સ્ટેશનો તથા કોસ્ટગાર્ડ, ફીસરીઝ, પોર્ટ, એલઆઈબી સહિતની વિવિધ ટુકડીઓ સજાગ અને સ્ટેન્ડ ટુ પોઝીશનમાં પેટ્રોલીંગ કરી રહી છે.
શંકાસ્પદ કે જરૂર લાગે તેવી બોટના ડોક્યુમેન્ટસ, બોટમાં કોણ-કોણ છે શું છે તે પુછપરછ અને ડમી બોટ સાથે મોકડ્રીલનો સમાવેશ થાય છે. વિશ્વ પ્રસિઘ્ધ સોમનાથ મહાદેવ મંદિર પણ ઝેડ પ્લસ સુરક્ષાચક્ર ધરાવતુ હોઈ તેને પણ આ સુરક્ષા કવાયતમાં આવરી લેવાયુ છે.આ સુરક્ષા કવાયતમાં એસઓજીના એન.બી.ચૌહાણ, એલસીબી પોલીસ ઈન્સ અરવિંદસિંહ જાડેજા, સિંઘવ ઉદય રાવલ નવા બંદર વી.કે.ઝાલા, કોડીનાર-પ્રભાસ પાટણ સુત્રાપાડા, વેરાવળ પોલીસ, મરીન પોલીસ સ્ટેશનો સહિત સમગ્ર કાફલો આદ્રીથી છે ક નવાબંદર સુધીનો દરિયો હથિયારબંધ જવાનો સાથે ખૂંદી રહી છે.
