ધોરણ ૧૨ સાયન્સના વિદ્યાર્થી ઉપર તેની સાથે ભણતા વિદ્યાર્થીએ ચપ્પુના ઘા ઝીંકી દેતા ચકચાર મચી છે
Surat, તા.૧૦
શહેરમાં સતત ગુનાખોરી વધી રહી છે. ત્યારે સુરતના નાનપુરા સ્કૂલમાં એક વિચિત્ર અને રસપ્રદ કહી શકાય એવો કિસ્સો સામે આવ્યો છે. ધોરણ ૧૨ સાયન્સના વિદ્યાર્થી ઉપર તેની સાથે ભણતા વિદ્યાર્થીએ ચપ્પુના ઘા ઝીંકી દેતા ચકચાર મચી છે. ચાલુ રિસેસમાં બનેલી ઘટનામાં સ્કૂલ તંત્રની સાથે સાથે પોલીસ પણ દોડતી થઈ હતી. જણાવી દઈએ કે, ઇજાગ્રસ્ત વિદ્યાર્થીની તબિયત સારી હોવા સાથે અથવા પોલીસે ગુનો દાખલ કરી વધુ તપાસ શરૂ કરી છે.
બનાવની વિગતો જોઈએ તો, સુરતના ડીંડોલી વિસ્તારમાં રહેતા પરિવાર ડેરી ચલાવી પોતાનું ગુજરાન ચલાવે છે સંતાનમાં એક દીકરો અને એક દીકરી છે ૧૭ વર્ષ દીકરો જે નાનપુરા સ્કૂલમાં ધોરણ ૧૨ સાયન્સમાં અભ્યાસ કરે છે. પુત્ર નિત્યક્રમ મુજબ સ્કૂલે ગયો હતો સવારે ૧૧ વાગ્યાના સ્કૂલ શિક્ષકે વિદ્યાર્થીના પિતાને કોલ કરીને સ્કૂલમાં તમારા દીકરાનો ઝઘડો થયો છે અને સામેની હોસ્પિટલમાં તેને દાખલ કરવામાં આવ્યો છે તેવું જણાવતા પરિવાર તાત્કાલિક સ્કૂલ ખાતે દોડી આવ્યું હતું. પરિવારે આવીને જોયું તો પુત્ર ૈંઝ્રેંમાં સારવાર લઈ રહ્યો હતો અને તેના માથાના ગળાના અને પગના ભાગે ગંભીર પહોંચી હતી.
સ્કૂલના શિક્ષકો તથા અન્ય વિદ્યાર્થીઓને પૂછતા તેમને જણાવ્યું હતું કે, સ્કૂલમાં અભ્યાસ કરતો અન્ય એક વિદ્યાર્થી રિસેસ દરમિયાન નાસ્તા કરતા સમયે આવ્યો હતો અને તેના પર ઊપરા છાપરી ચપ્પુના ઘા જીકી દીધા હતા.સ્કૂલના ધોરણ ૧૨ માં અભ્યાસ કરતા વિદ્યાર્થીઓએ ચપ્પુ મારવા પાછળનું કારણ જાણીને શાળાની સાથે પરિવાર પણ ચોકી ઉઠ્યું હતું. ઘટનાની જાણ થતા અઠવા પોલીસ પણ ઘટના સ્થળે પહોંચી ગઈ હતી
પ્રાથમિક તપાસમાં સામે આવ્યું હતું કે, હુમલો કરનાર વિદ્યાર્થીની ગર્લફ્રેન્ડનો વિવાદ સામે આવ્યો હતો.
વિદ્યાર્થીની ગર્લફ્રેન્ડ બીજા છોકરા જોડે વાત કરતી હતી જેને લઈને હુમલો કરનાર વિદ્યાર્થી તું મારી ગર્લફ્રેન્ડ સાથે કેમ વાત કરે છે તેમ કહી આવેશમાં આવીને ચપ્પુ માર્યું હતું. જેને લઇને સમગ્ર વિસ્તારમાં ચકચાર મચી જવા પામી હતી. આ મામલે પોલીસે ગુનો દાખલ કરી તપાસ શરૂ કરી છે. ત્યારે શાળામાં અભ્યાસ કરતા વિદ્યાર્થીઓ વચ્ચે ગર્લફ્રેન્ડને લઈ ચપ્પુ વડે હુમલો થયો હોવાની ઘટના હાલ ચારે તરફ ચર્ચા જોવા મળી રહી છે.
