New Delhi, તા.2
એક 38 વર્ષિય વ્યકિતને વધુ તાવ અને બેભાન હાલતમાં આરએમએલ હોસ્પિટલની ઈમરજન્સીમાં લાવવામાં આવ્યો હતો. તેને કોઈ બિમારી નહોતી. તેનું બ્લડપ્રેસર ઘણુ ધીમુ હતુ અને હૃદયના ધબકારા ખૂબ ઝડપથી ચાલતા હતા. આ સ્થિતિમાં ડોકટરોએ તેમને વેન્ટીલેટર પર રાખીને સારવાર શરૂ કરી હતી. આ સૌથી વધુ પરસેવો વળવાથી થયેલા હીટ સ્ટ્રોકનાં કારણે થયુ હતું.
ભારે ગરમીમાં વધુ પરસેવો વહેવાથી હીટ સ્ટ્રોક બિમાર કે વરિષ્ઠ લોકો સુધી સીમિત નથી, આમાં પૂરી રીતે સ્વસ્થ લોકો પણ શિકાર બની શકે છે. સ્થિતિ એટલી ગંભીર પણ થઈ શકે છે કે તેને વેન્ટીલેટર સુધીની જરૂર પડી જાય.
આરએમએલ અને લેડી હોર્ડીંગ હોસ્પિટલના હાલના અધ્યયનમાં પણ તેનો ખુલાસો થયો છે. ગત વર્ષે ગરમીઓમાં આ બન્ને હોસ્પિટલોમાં 120 દર્દીઓ હીટ સ્ટ્રોકની મદદથી ભરતી થયા હતા.
તેમાં 50 ટકાથી દર્દીઓ એવા હતા જેમને પહેલા કોઈપણ ગંભીર બિમારી નહોતી તેમ છતાં તેઓ હીટ સ્ટ્રોકનાં શિકાર થઈ ગયા. કેટલાકને બ્રેઈન સ્ટ્રોક, કિડની ફેલ્યોર જેવી જીવલેણ સમસ્યાનો સામનો કરવો પડયો હતો.
ડો.અનુપમ પ્રકાશ જણાવે છે કે, ગરમીમાં પણ વરિષ્ઠો કે બિમાર જ નહિં પણ યુવાન અને સ્વસ્થ લોકો પણ હીટ સ્ટ્રોકનો શિકાર બની શકે છે. આ કારણે તડકામાં નીકળવાથી બચવુ જોઈએ, ખુબ પાણી પીવુ જોઈએ. ઈલેકટ્રોબાઈટ યુકત પાણી પીવુ જોઈએ થાક કે ચકકર આવે તો છાયાવાળી જગ્યાએ આરામ કરવો જોઈએ.
