આ નિર્ણયની અસર એ થશે કે સ્વિટ્ઝર્લેન્ડ અને યુરોપિયન યુનિયનમાં કાર્યરત ભારતીય કંપનીઓએ ત્યાં તેમની કમાણી પર પહેલા કરતા વધુ ટેક્સ ચૂકવવો પડશે
નવી દિલ્હી, તા.૧૪
ભારતીય કંપનીઓને સ્વિત્ઝર્લેન્ડમાં બિઝનેસની દૃષ્ટિએ મોટો ફટકો પડ્યો છે. સ્વિટ્ઝર્લેન્ડે ભારતને આપેલો વિશેષ MFN દરજ્જો પાછો ખેંચી લીધો છે. આવી સ્થિતિમાં ભારતીય કંપનીઓએ હવે ત્યાં તેમની કમાણી પર વધુ ટેક્સ ચૂકવવો પડશે. તેનાથી સ્વિટ્ઝર્લેન્ડના રોકાણને પણ અસર થઈ શકે છે. વાંચો આ નિર્ણય પાછળનું કારણ શું છે.સ્વિટ્ઝર્લેન્ડે ભારતને આપેલો મોસ્ટ ફેવર્ડ નેશનનો દરજ્જો પાછો ખેંચવાનો નિર્ણય લીધો છે. સ્વિસ સરકાર દ્વારા આપવામાં આવેલી માહિતી અનુસાર, આ નિર્ણય ૧ જાન્યુઆરીથી અમલમાં આવશે.આ નિર્ણયની અસર એ થશે કે સ્વિટ્ઝર્લેન્ડ અને યુરોપિયન યુનિયનમાં કાર્યરત ભારતીય કંપનીઓએ ત્યાં તેમની કમાણી પર પહેલા કરતા વધુ ટેક્સ ચૂકવવો પડશે. આનો અર્થ એ થયો કે સ્વિટ્ઝર્લેન્ડ ૧ જાન્યુઆરી, ૨૦૨૫થી અહીં ભારતીય કંપનીઓની કમાણી પર ૧૦ ટકા ટેક્સ લગાવશે.સ્વિત્ઝર્લેન્ડના નાણા વિભાગે ૧૧ ડિસેમ્બરના રોજ એક નિવેદનમાં જણાવ્યું હતું કે ભારત સાથે ડબલ ટેક્સેશન એવોઈડન્સ એગ્રીમેન્ટ (DTAA)ના કિસ્સામાંMFNસ્ટેટસ સસ્પેન્ડ કરવામાં આવ્યું છે. સ્વિત્ઝર્લેન્ડે આ નિર્ણય સુપ્રીમ કોર્ટના નિર્ણયને ધ્યાનમાં રાખીને લીધો હતો, જેના હેઠળ તેને DTAA લાગુ કરવા માટે આવકવેરા કાયદા હેઠળ સૂચિત કરવાનું કહેવામાં આવ્યું હતું.
