SMC ડીઆઈજી નિર્લિપ્ત રાય સહિતની ટીમ દ્વારા કન્ફર્ટ રિસોર્ટમાં તપાસ હાથ ધરી મોટા ધડાકાની શક્યતા
Morbiતા.07
ટંકારાના હાઈ પ્રોફાઈલ જુગાર રેઇડમાં ગેરરિતી મામલે એસએમસી ડીઆઇજી નિર્લિપ્ત રાય અને ડીવાયએસપી કે.ટી.કામરીયા સહિતની ટીમે તપાસ હાથ ધરી છે
જે દરોડામાં ગેરરીતી થઈ હોવાની શંકાના આધારે ટંકારા ના તત્કાલીન પી.આઈ અને હાલ લાઈવ રિઝર્વમાં રહેલા પી.આઈ વાય.કે.ગોહીલ અને કોન્સ્ટેબલ મહિપતસિંહ સોલંકી સસ્પેન્ડ કરવામાં આવ્યા હતા .મળતી માહિતી અનુસાર, મોરબીના ટંકારામાં હાઈ પ્રોફાઈલ જુગાર રેઇડ ગેરરિતી મામલે SMC ટીમ દ્વારા તપાસનો ધમધમાટ શરૂ કરવામાં આવ્યો છે. ટંકારા પોલીસે એક મહિના પહેલા હાઇપ્રોફાઇલ ટોકન દ્વારા ચાલતું જુગારધામ કમ્ફર્ટ રિસોર્ટમાંથી પકડી પાડ્યું હતું. જેમાં ૯ જુગારીઓને ૬૩ લાખના મુદ્દામાલ સાથે ઝડપી પાડયા હતા. જે દરોડામાં ગેરરીતી થઈ હોવાની શંકાના આધારે ટંકારા પીઆઈ વાય.કે.ગોહીલને લીવ રિઝર્વમાં મુકવામાં આવ્યા હતા. અને અન્ય હેડ કોન્સ્ટેબલની મહિપતસિંહ સોલંકી જિલ્લા બહાર બદલી કરવામાં આવી હતી. જે તપાસ મામલે એસએમસી ડીઆઇજી નિર્લિપ્ત રાય અને ડીવાયએસપી કે.ટી.કામરીયા સહિતની ટીમે તપાસ હાથ ધરી છે. અધિકારીઓની સંડોવણીની ચર્ચા વચ્ચે SMC દ્વારા તપાસ શરૂ કરાઈ છે. જેમાં જુગારધામમાં રેડ કરનાર અને હાલ લીવ રિજર્વમાં રહેલા પીઆઇ વાય કે ગોહિલ અને જિલ્લા બહાર બદલી કરાયેલ કોન્સ્ટેબલ કોન્સ્ટેબલ મહિપતસિંહ સોલંકી સસ્પેન્ડ કરવામાં આવ્યા હોવાનું સૂત્રો દ્વારા જાણવા મળેલ છે. એસએમસી ના વડા નિર્લિપ્ત રાયની તપાસ બાદ મોટી કાર્યવાહી કરવામાં આવતા પોલીસ બેડામાં ફફડાટ મચી જવા પામ્યો છે. હજૂ પણ હાઇપ્રોફાઈલ કેસમાં મોટા ધડાકાની શક્યતા સેવાય રહી છે.
