Halvadના દેવીપુર ગામે વાડીમાં જુગાર રમતા ત્રણ ઝડપાયા, રૂ ૬૧,૦૦૦ રોકડ જપ્ત

Morbi,તા.31

હળવદ તાલુકાના દેવીપુર ગામની સીમમાં આવેલ વાડીમાં જુગાર રમતા ત્રણ ઇસમોને ઝડપી લઈને પોલીસે રૂ ૬૧ હજારની રોકડ રકમ જપ્ત કરી છે એક ઇસમ નાસી ગયો હતો જેથી વધુ તપાસ ચલાવી છે

મોરબી એલસીબી ટીમે હળવદ તાલુકાના દેવીપુર ગામની સીમમાં કેનાલ કાંઠે આવેલ આરોપી મુકેશ હસમુખ માકાસણાની વાડીમાં રેડ કરી હતી વાડીમાં જુગાર રમતા મુકેશ હસમુખ માકાસણા, જગદીશ વલમજીભાઈ માકાસણા અને વસંત કેશવજીભાઇ માકાસણા રહે ત્રણેય ચરાડવા તા. હળવદ વાળાને ઝડપી લઈને રોકડ રૂ ૬૧,૦૦૦ જપ્ત કરી છે આરોપી સંજય લાભુભાઈ માકાસણા રહે ચરાડવા વાળો નાસી ગયો હતો જેથી હળવદ પોલીસમાં ગુનો નોંધી તપાસ ચલાવી છે

વાંકાનેર રેલ્વે સ્ટેશન રોડ પર વરલી જુગાર રમતો ઇસમ ઝડપાયો

રેલ્વે સ્ટેશન રોડ પર જાહેરમાં વરલી ફીચર આંકડા લખી જુગાર રમતા ઈસમને ઝડપી લઈને એલસીબી ટીમે રોકડ રૂ ૧૬,૧૫૦ જપ્ત કરી છે

મોરબી એલસીબી ટીમ વાંકાનેર પંથકમાં પેટ્રોલિંગમાં હોય દરમિયાન રેલ્વે સ્ટેશન રોડ ગેબી પાન સામે આરોપી પૃથ્વીરાજસિંહ ઉર્ફે અપ્પુ મહાવીરસિંહ જેઠવાને જાહેરમાં વરલી જુગાર રમતા ઝડપી લઈને રોકડ રૂ ૧૬૧૫૦ જપ્ત કરી છે