Morbi,તા.19
ત્રણ આરોપી પિતા-પુત્રો વિરુદ્ધ હત્યાની ફરિયાદ નોંધી પોલીસે તપાસ ચલાવી
મોરબીના સિપાઈવાસમાં સાળાને માથાકૂટ ચાલતી હતી અને સાલો-બનેવી સિપાઈવાસમાં જતા ત્રણ ઇસમોએ છરીના ઘા ઝીકી બનેવીને મોતને ઘાટ ઉતારી દીધો હતો મોરબી સીટી એ ડીવીઝન પોલીસે હત્યાની ફરિયાદ નોંધી વધુ તપાસ ચલાવી છે
મોરબીના સિપાઈવાસ જમાદાર શેરીમાં રહેતા મોહસીન ફારૂકભાઈ કુરેશીએ આરોપીઓ ખાલીદ ફિરોઝભાઈ શમા, શકીલ ફિરોઝભાઈ શમા અને ફિરોઝ ઉસ્માન શમા રહે ત્રણેય સિપાઈવાસ મોરબી વાળા વિરુદ્ધ ફરિયાદ નોંધાવી છે કે ગત તા. ૧૮ ના રોજ જમાદાર શેરીમાં કંદોઈની વાડીમાં મામા જાવીદભાઈની દીકરીની સગાઇના પ્રસંગ ગયા હતા જ્યાં જાણવા મળ્યું કે સંબંધી રણમલભાઈ હાજીભાઇ મિયાણાના દીકરા સમીરનું એકસીડન્ટ થયું છે જેથી શહેરની ક્રિષ્ના હોસ્પિટલ ગયા હતા અને સમીરનું મોત થતા મૃતદેહ પીએમ અર્થે સિવિલ હોસ્પિટલ લઇ ગયા હતા જ્યાં ફરિયાદી મોહસીન, મકબુલ કુરેશી અને મકબુલહુશેન રહીંમ સમા ત્રણેય સિવિલ હોસ્પિટલ હતા તા. ૧૯ ના રાત્રીના સવા એક વાગ્યાના અરસામાં ખાલીદ ફિરોજ સમાનો ફોન આવ્યો અને કામમાં હોવાથી ઉપાડ્યો નહિ થોડીવાર બાદ ફરી ફોન આવ્યો જેમાં ખાલીદે ફરિયાદીને કહ્યું તું મારી વહુ સામે શું કામ કાતર મારે છે જેથી તારી વધુ સામે જોયું નથી કહેતા ઉશ્કેરાઈ ગયો અને તું ક્યાં છો કહેતા સિવિલ હોસ્પિટલ હોવાનું જણાવ્યું હતું
તું જ્યાં હોય અહી સિપાઈવાસ આવ કહેતા ફરિયાદી, તેના બનેવી મકબુલ મહમદ કુરેશી (ઉ.વ.૨૨) વાળા સિપાઈવાસ ગયા હતા જ્યાં આરોપી ખાલીદ સમા, તેનો ભાઈ સકીલ અને પિતા ફિરોજ બધાએ ફરિયાદીને તું મારી વહુ સામે શું કામ કાતર મારે છે કહીને ફરિયાદી અને બનેવીને છરી વડે ઘા ઝીકવા લાગ્યા હતા જેમાં ફરિયાદીને હાથની આંગળીમાં અને બનેવી મકબુલ મહમદ કુરેશીને પડખામાં છરીના ઘા મારી ઈજા પહોંચાડતા સારવારમાં મકબુલ કુરેશીનું મોત થયું હતું મોરબી સીટી એ ડીવીઝન પોલીસે હત્યાની ફરિયાદ નોંધી તપાસ ચલાવી છે
