Uttar Pradesh માં ફાયરીંગ કરી ટ્રિપલ મર્ડરની ઘટના

Uttar Pradesh તા.8
અહી આજે વહેલી સવારે ફાયરીંગ કરી ટ્રિપલ મર્ડરની ઘટના બનતા ખળભળાટ ફેલાયો હતો. તાહીરાપુર ચેક પાસે બાઈક સવાર ખેડુત નેતા પપ્પુસિંહ ઉ.વ.50 તેમનો પુત્ર અભયસિંહ ઉ.વ.22 અને નાનોભાઈ રીંકુસિંહ ઉ.વ.40 બાઈકમાં જઈ રહ્યા હતા. ત્યારે ટ્રેકટર સવાર હુમલાખોરોએ ફાયરીંગ કરી ત્રણેયની હત્યા કરી હતી. ગામના જ રહેવાસી પૂર્વ પ્રધાન મુન્નુસિંહ અને તેની સાથે રહેલા લોકોએ ઘટનાને અંજામ આપ્યાનો આરોપ લગાવાયો છે. ઘટનાસ્થળે પોલીસ કાફલો દોડી ગયો હતો. ઉલ્લેખનીય છે કે ખેડુત નેતા પપ્પુસિંહના માતા રામદુલારીસિહ હાલમાં ગ્રામ પ્રધાન છે. ગ્રામીણોએ પોલીસને મૃતદેહો ઉઠાવતા રોકયા હતા. ઘટનાસ્થળે એકત્રીત લોકોએ ફરાર થયેલા હત્યારાઓની ધરપકડની માંગ કરી હતી.