‘ધડક ૨’ એ ૨૦૧૮માં આવેલી જ્હાન્વી કપૂર અને ઇશાન ખટ્ટરની ફિલ્મ ‘ધડક’ની સીક્વલ છે
Mumbai, તા.૧૯
તૃપ્તિ ડિમરીની ‘ધડક ૨’ની રિલીઝ ડેટ જાહેર થઈ ચૂકી છે. તૃપ્તિની એક પછી એક ફિલ્મો આવી રહી છે. ‘વિકી ઔર વિદ્યા કા વો વાલા વીડિયો’ રિલીઝ થઈ ચૂકી છે. હવે તેની ‘ભુલભુલૈયા ૩’ આવશે ત્યાર બાદ ‘ધડક ૨’ રિલીઝ થશે. આમ એક પછી એક ફિલ્મ કરી રહી છે અને તે એક સ્ટાર તરીકે પોતાની જગ્યા બનાવી રહી છે. ‘ધડક ૨’ એ ૨૦૧૮માં આવેલી જ્હાન્વી કપૂર અને ઇશાન ખટ્ટરની ફિલ્મ ‘ધડક’ની સીક્વલ છે. ‘ધડક’ મરાઠી ફિલ્મ ‘સૈરાટ’ની રિમેક હતી. જ્યારે હવે ‘ધડક ૨’ તમિલ ફિલ્મ ‘પેરિયેરુમ પેરુમલ’ની રિમેક હશે. જેમાં તૃપ્તિ સાથે સિદ્ધાંત ચતુર્વેદી મુખ્ય રોલમાં જોવા મળશે. આ ફિલ્મ ૨૧ ફેબ્રુઆરી, ૨૦૨૫ના રોજ રિલીઝ થશે. આમ ‘ધડક ૨’ દ્વારા આ ળેન્ચાઇઝીની ફિલ્મોમાં નવું પ્રકરણ ઉમેરાશે. તૃપ્તિ એક પછી એક વૈવિધ્યસભર રોલ કરી રહી છે, જેમાં તેના અભિનયના વખાણ પણ થઈ રહ્યા છે. ત્યારે હવે આ ળેન્ચાઇઝીની ફિલ્મમાં તૃપ્તિના કાસ્ટિંગથી તેના ફૅન્સ ઉત્સાહમાં આવી ગયા છે. સાથે જ તેને મળી રહેલાં આ વિવિધ રોલ તેનું અભિનય માટેનું ડેડિકેશન અને તૈયારી પણ દર્શાવે છે. જે બોલિવૂડની દુનિયાને પોતાને રોલ આપવા માટે મજબૂર કરી રહી છે.
