Jamnagar તા ૧૫
કચ્છ થી જામનગર શહેરમાં કાર મારફતે ઇંગ્લિશ દારૂની બાટલીનો મોટો જથ્થો ઘુસાડવામાં આવી રહ્યો છે અને જોડિયા પંથકમાંથી કારને જામનગર તરફ લાવવામાં આવી રહી છે જે ચોક્કસ બાતમી ના આધારે ગઈકાલે મોડી રાત્રે એલસીબી ની ટુકડીએ વોચ ગોઠવી હતી.
જે દરમિયાન જી.જે. ૩૭ બી ૯૯૮૧ નંબરની બ્રેજા કાર શંકાસ્પદ હાલતમાં નીકળતાં એલસીબી ની ટુકડીએ તે કાર ને આંતરી લીધી હતી, અને તેને ખોલાવીને અંદર ચેક કરતા જુદી જુદી બ્રાન્ડની ૨૪૦૦ નંગ ઇંગ્લિશ દારૂની બાટલીનો માતબર જથ્થો મળી આવ્યો હતો. આથી પોલીસે ઇંગ્લિશ દારૂ અને મોબાઈલ ફોન અને કાર વગેરે સહિત કુલ રૂપિયા ૭.૭૪. હજારની માલમતા કબજે કરી લીધી છે, ત્યારે કારમાં બેઠેલા જામનગર નજીક પાસે રહેતા મુસ્તાક કનુભાઈ સાફિયા નામના સંધિ શખ્સ ઉપરાંત જામનગરમાં નજીક હાપા શિવ શક્તિ સોસાયટીમાં રહેતા સુનિલ જયસુખભાઈ મકવાણા બંનેની અટકાયત કરી લેવામાં આવી છે
તેઓ સામે જોડિયા પોલીસમાં દારૂબંધી ભંગ અંગેનો ગુનો દાખલ કરાવ્યો છે. પોલીસની પૂછ પર જ દરમિયાન ઉપરોક્ત દારૂ જામનગરમાં રહેતા સાહિલ મોદી તેમજ સદામ ઉર્ફે મુન્નો એ મંગાવ્યો હોવાનું અને કચ્છના કટારીયા ગામ પાસેથી દારૂનો જથ્થો ભરીને લાવ્યા હોવાથી પોલીસે જામનગરના બે રીસીવર અને કચ્છના સપ્લાયર ને ફરારી જાહેર કતી, તેઓની શોધખોળ હાથ ધરી છે. અને તપાસનો દોર કચ્છ સુધી લંબાવ્યો છે.
