ત્રણ આરોપીઓ વિરુદ્ધ પોલીસ મથકમાં ફરિયાદ નોંધાઈ
Morbi,તા.12
સરવડ ગામમાં ગાળો બોલવાની ના પાડતા ત્રણ પિતા પુત્રોએ યુવાનને ધારિયા અને છરી વડે માર માર્યો હતો અને વચ્ચે છોડાવવા પડેલા યુવાનને પણ છરી વડે ઈજા પહોંચાડી હતી માળિયા પોલીસે ફરિયાદ નોંધી વધુ તપાસ ચલાવી છે
માળિયાના સરવડ ગામના રહેવાસી દીપકભાઈ વિરજીભાઈ મુછ્ડીયાએ આરોપીઓ અરવિંદભાઈ રણછોડભાઈ પરમાર, તુલસીભાઈ રણછોડભાઈ પરમાર અને રણછોડભાઈ પરમાર વિરુદ્ધ પોલીસ ફરિયાદ નોંધાવી છે જેમાં જણાવ્યું છે કે પંકજભાઈ ગામમાં નરસંગ ભગવાનનો પાઠ હોય ત્યાં જમવા ગયા હતા અને આરોપી અરવિંદ ભૂંડી ગાળો બોલતો હોવાથી તેને ગાળો બોલવાની ના પાડી હતી જે સારું નહિ લાગતા બંને ભાઈઓ અરવિંદ અને તુલસી હાથમાં છરી અને આરોપી રણછોડ ધારિયું લઈને આવી પંકજભાઈને ગાળો બોલી છરી વડે પેટના ભાગે અને ખંભા નીચે મારી ઈજા કરી હતી ફરિયાદી દીપક વચ્ચે પડતા તેને છરીનો ઘા મારી ધારિયા વડે ઈજા પહોંચાડી હતી માળિયા પોલીસે આરોપી પિતા પુત્રો વિરુદ્ધ ફરિયાદ નોંધી ધોરણસરની કાર્યવાહી હાથ ધરી છે
