New Delhi,તા.17
ભારતીય ક્રિકેટર વિરાટ કોહલીએ ગુરુગ્રામની પોતાની મિલકત માટે પાવર ઑફ એટર્ની તેના ભાઈ વિકાસ કોહલીને ટ્રાન્સફર કરી છે. તેણે મંગળવારે ગુરુગ્રામના વઝીરાબાદ તાલુકાની મુલાકાત લીધી હતી અને વિકાસના નામે મિલકત માટે જનરલ પાવર ઑફ એટર્ની (GPA) નોંધાવી હતી.
આ સમય દરમિયાન વિરાટે મામલતદાર ઑફિસમાં હાજર કર્મચારીઓ સાથે ફોટા પડાવ્યા અને તેમની વિનંતી પર ઓટોગ્રાફ પણ આપ્યા. ત્યાર બાદ તે દિલ્હી એરપોર્ટથી સીધા ઓસ્ટ્રેલિયા પ્રવાસ માટે રવાના થયો હતો.
વિરાટ કોહલી લંડનમાં તેના પરિવાર સાથે રહે છે. તે પત્ની અનુષ્કા શર્મા અને તેમનાં બે બાળકો સાથે રહે છે. તેઓ ભારતમાં ભાગ્યે જ સમય વિતાવે છે, તેથી કોહલીએ તેની ગુરુગ્રામ મિલકતની કાનૂની જવાબદારીઓ તેના ભાઈ વિકાસને સોંપવાનો નિર્ણય લીધો છે.
મીડિયા રિપોર્ટ્સમાં દાવો કરવામાં આવ્યો છે કે, કોહલી કાયમી ધોરણે લંડન જઈ રહ્યો છે, જોકે ક્રિકેટરે ક્યારેય સત્તાવાર રીતે પોતાના શિફ્ટ થવાનો સ્વીકાર કર્યો નથી. ગુરુગ્રામના DLF સિટીમાં ઘર અને ફ્લેટ વિરાટ કોહલી ગુરુગ્રામમાં DLF સિટી ફેઝ 1ના બ્લોક-ઈમાં એક વૈભવી ઘર ધરાવે છે.
તેણે 2021માં એ ખરીદ્યું હતું. તેની પાસે ગુરુગ્રામમાં એક ફ્લેટ પણ છે. બંને મિલકતોનું સંચાલન હવે તેનો ભાઈ વિકાસ કરશે. વિકાસને હવે વિરાટની મિલકતો સંબંધિત તમામ કાનૂની અને વહીવટી બાબતોનું સંચાલન કરવાનો અધિકાર આપવામાં આવ્યો છે.
લંડનમાં રહેતા કોહલીએ ભાઈને અધિકારો આપ્યા
વિરાટે આ પગલું એટલા માટે ભર્યું છે, કારણ કે તે હવે મોટા ભાગનો સમય ઇંગ્લેન્ડમાં વિતાવશે. ભારતમાં તેની ગેરહાજરીમાં મિલકતના મામલાઓને વ્યવસ્થિત રાખવા માટે આ વ્યવસ્થા જરૂરી હતી, તેથી તેણે તેના ભાઈને સત્તા સોંપી છે.
વિરાટ કોહલી પહેલાંથી જ ઇંગ્લેન્ડમાં સ્થાયી થઈ ગયો છે. તે તેની પત્ની અનુષ્કા શર્મા, પુત્રી વામિકા અને પુત્ર અકાય સાથે રહે છે. મીડિયા રિપોર્ટ્સ અનુસાર, તેની માતા સરોજ કોહલી પણ તેની સાથે ઇંગ્લેન્ડમાં રહેશે. અત્યારસુધી તે ગુરુગ્રામમાં વિકાસ કોહલી સાથે રહેતી હતી.
કોહલીએ લગભગ એક કલાક વિતાવ્યો, પછી ઓસ્ટ્રેલિયા જવા રવાના થયો. વિરાટ કોહલીએ ઑફિસમાં લગભગ એક કલાક વિતાવ્યો. સ્ટાફ માટે આ એક રોમાંચક ક્ષણ હતી, કારણ કે તેમને તેમના મનપસંદ ક્રિકેટરને મળવાની તક મળી. રજિસ્ટ્રેશન પ્રક્રિયા પૂરી કર્યા પછી વિરાટ સીધો દિલ્હી એરપોર્ટ ગયો, જ્યાંથી તે ઓસ્ટ્રેલિયા પ્રવાસ માટે રવાના થયો.
કોહલીની આવકનો સોર્સ અને નેટવર્થ 2025માં વિરાટ કોહલીની કુલ સંપત્તિ આશરે રૂ।.1,050 કરોડ (આશરે 125 મિલિયન) હોવાનો અંદાજ છે. આ આવક તેના ક્રિકેટ પગાર, IPL કરારો (RCB સાથે રૂ।.15 કરોડ/સિઝન), બ્રાન્ડ એન્ડોર્સમેન્ટ્સ (Puma, અીમશ, MRF, વગેરેમાંથી વાર્ષિક રૂ।.80-100 કરોડ), બિઝનેસ વેન્ચર્સ (Wrogn, Chisel Gyms, One8) અને રોકાણોમાંથી આવે છે. તે વિરાટ કોહલી ફાઉન્ડેશન જેવા ફાઉન્ડેશનોથી ચેરિટીમાં પણ ફાળો આપે છે, જે સ્પોર્ટ્સ સ્પોન્સરશિપ પૂરી પાડે છે.
