Tehranતા.૨૩
ઈરાનમાં ૩ પરમાણુ સ્થળો પર હુમલો કર્યા પછી, યુએસ સરકાર ત્યાં સત્તા બદલવાનો પ્રયાસ કરી શકે છે. યુએસ પ્રમુખ ડોનાલ્ડ ટ્રમ્પે ઇસ્લામિક રિપબ્લિકમાં શાસન પરિવર્તનની શક્યતાનો સંકેત આપ્યો અને દેશના વર્તમાન નેતૃત્વની ક્ષમતા પર પ્રશ્ન ઉઠાવ્યો. ટ્રમ્પે ટ્રૂથ સોશિયલ પર એક પોસ્ટમાં કહ્યું, “’શાસન પરિવર્તન’ શબ્દનો ઉપયોગ કરવો રાજકીય રીતે યોગ્ય નથી, પરંતુ જો વર્તમાન ઈરાની શાસન ઈરાનને ફરીથી મહાન બનાવવામાં અસમર્થ છે, તો શા માટે શાસન પરિવર્તન ન કરવું?
એમઆઇજીએનો અર્થ છે મેક ઈરાન ગ્રેટ અગેન, જે સ્પષ્ટપણે તેહરાનમાં એક નવું શાસન લાવવાનું સૂત્ર છે. તેમણે તેમના ચૂંટણી સમયે પણ આવું જ સૂત્ર (મેક અમેરિકા ગ્રેટ અગેન) આપ્યું હતું. તમને જણાવી દઈએ કે રવિવારે સવારે ઈરાનના ત્રણ પરમાણુ સ્થળો પર અમેરિકાના બોમ્બમારા પછી આ વિકાસ પ્રકાશમાં આવ્યો છે. ઈઝરાયલ પહેલાથી જ ઈરાનના અલી ખામેનીના નેતૃત્વ હેઠળની સરકારને ઉથલાવી પાડવાની વાત કરી ચૂક્યું છે.
ઈરાનના ત્રણ પરમાણુ સ્થળો પર હુમલા પછી, ફરી એકવાર યુએસ રાષ્ટ્રપતિ ડોનાલ્ડ ટ્રમ્પનું નિવેદન સામે આવ્યું છે. ટ્રૂથ સોશિયલ પર એક અલગ પોસ્ટમાં, ટ્રમ્પે કહ્યું કે અમેરિકા દ્વારા કરવામાં આવેલા આ હુમલાથી ઈરાનના પરમાણુ સ્થળને ઘણું નુકસાન થયું છે. અમેરિકાએ એક મજબૂત અને સૌથી સચોટ હુમલો કર્યો. આ સાથે, ટ્રમ્પે યુએસ સેનાની પ્રશંસા કરી અને કહ્યું કે સેનાએ ખૂબ જ સારું પ્રદર્શન કર્યું છે. તેમણે બીજી પોસ્ટમાં કહ્યું, મહાન બી-૨ પાઇલટ્સ હમણાં જ મિઝોરીમાં સુરક્ષિત રીતે ઉતર્યા છે. મહાન કાર્ય માટે આભાર!!!
ઈરાને હવે અમેરિકાને ધમકી આપી છે. ઈરાનના વિદેશ પ્રધાન અબ્બાસ અરાઘચીએ કહ્યું છે કે પરમાણુ સ્થળ પર અમેરિકાના હુમલાના જવાબમાં લેવામાં આવનારી આગામી કાર્યવાહી માટે વોશિંગ્ટન સંપૂર્ણપણે જવાબદાર છે. તે જ સમયે, ટ્રમ્પ પર નિશાન સાધતા, અરાઘચીએ કહ્યું કે વોશિંગ્ટનમાં અસ્તવ્યસ્ત વહીવટ તેના આક્રમક કૃત્યના ખતરનાક પરિણામો અને દૂરગામી અસરો માટે સંપૂર્ણપણે જવાબદાર છે. ઈરાનમાં અમેરિકાના હુમલા પછી આ પહેલી વાર છે જ્યારે ઈરાન તરફથી સત્તાવાર નિવેદન આવ્યું છે. તે જ સમયે, અમેરિકાએ પણ ઈરાનની ધમકીનો જવાબ આપ્યો છે. યુએસ સંરક્ષણ પ્રધાન પીટ હેગસેથે કહ્યું કે રાષ્ટ્રપતિ ડોનાલ્ડ ટ્રમ્પે આદેશ આપ્યો છે કે જો ઈરાન અમેરિકા સામે બદલો લેશે, તો તેના પરિણામો વધુ ભયાનક હશે. ઈરાનના ત્રણ પરમાણુ સ્થળોને નિશાન બનાવવામાં આવ્યા હતા અને તેમને ભારે નુકસાન થયું હતું. આ કાર્યવાહી એવી રીતે કરવામાં આવી હતી કે સામાન્ય નાગરિકોને નુકસાન ન થયું.
તમને જણાવી દઈએ કે અમેરિકાએ ઈરાનના ત્રણ પરમાણુ સ્થળો પર હુમલો કર્યો હતો, જેમાંથી સૌથી મહત્વપૂર્ણ ફોર્ડો પરમાણુ સ્થળ છે જે ટેકરીથી ૮૦ થી ૧૦૦ મીટર નીચે બનેલ છે. અમેરિકાના મ્૨ બોમ્બરોએ અહીં ૬ બોમ્બ ફેંક્યા હતા, જેના પછી સમગ્ર સ્થળ પર ખાડા પડી ગયા હતા. ફોર્ડોની જેમ, અમેરિકાએ નાતાન્ઝ પરમાણુ સ્થળ પર મ્૨ બોમ્બરથી હુમલો કર્યો હતો. અહીં પણ અમેરિકાએ ય્મ્ેં-૫૭ બોમ્બ ફેંકીને સમગ્ર સ્થળને નષ્ટ કરવાનો દાવો કર્યો હતો.
અમેરિકાએ ઈરાનના ઇસ્ફહાન પરમાણુ સ્થળ પર પણ હુમલો કર્યો હતો. આ હુમલો ઈરાનની નૌકાદળ દ્વારા કરવામાં આવ્યો હતો. યુએસ નેવીની ગાઇડેડ-મિસાઇલ સબમરીન ેંજીજી જ્યોર્જિયાએ ઇસ્ફહાન પર ૩૦ ટોમાહોક લેન્ડ એટેક મિસાઇલો છોડ્યા હતા, જેના પછી સમગ્ર પરમાણુ પ્લાન્ટ રાખ થઈ ગયો હતો.
