Dubai, તા.2
ICC એ મહિલા ODI વર્લ્ડ કપની ઈનામી રકમમાં ચાર ગણો વધારો કરીને ઈતિહાસ રચ્યો છે. કુલ ઈનામી રકમ વધીને 138.8 મિલિયન (લગભગ 122.5 કરોડ રૂપિયા) થઈ ગઈ છે. આ પુરુષોના ODI વર્લ્ડ કપ 2023 કરતા 39 કરોડ રૂપિયા વધુ છે.
ICC એ સોમવારે ઈનામી રકમની જાહેરાત કરી. મહિલા ODI વર્લ્ડ કપમાં ચેમ્પિયન ટીમને 44.80 લાખ ડોલર (લગભગ 39.55 કરોડ રૂપિયા) ની ઈનામી રકમ મળશે જે ગયા વખત કરતા 13.20 લાખ ડોલર (લગભગ 11.65 કરોડ રૂપિયા) વધુ છે.
આ ટુર્નામેન્ટના ઇતિહાસમાં સૌથી મોટી ઈનામી રકમ છે. તેનું આયોજન ભારત અને શ્રીલંકા સંયુક્ત રીતે કરી રહ્યા છે.તે 30 સપ્ટેમ્બરથી શરૂ થશે. ICC એ પોતાના નિવેદનમાં કહ્યું કે, ICC એ મહિલા ક્રિકેટ માટે એક નવો બેન્ચમાર્ક સ્થાપિત કર્યો છે. મહિલા ODI વર્લ્ડ કપની રનર-અપ ટીમને હવે 22.4 લાખ (લગભગ રૂ. 19.77 કરોડ) મળશે, સેમિફાઇનલમાં હારનારી ટીમોને 11.2 લાખ (રૂ. 9.89 કરોડ) મળશે.
ગ્રુપ સ્ટેજ જીતનારી ટીમોને 34,314 (લગભગ રૂ. 30.29 લાખ) મળશે. પાંચમા અને છઠ્ઠા સ્થાને રહેતી ટીમોને 700,000 (લગભગ રૂ. 6.17 કરોડ) અને સાતમા અને આઠમા સ્થાને રહેતી ટીમોને 2.80 લાખ (લગભગ રૂ. 2.47 કરોડ) મળશે. દરેક ભાગ લેતી ટીમને 2.50 લાખ (લગભગ રૂ. 2.21 કરોડ) મળશે.
297% વધારો
ન્યુઝીલેન્ડમાં રમાયેલા છેલ્લા મહિલા વનડે વર્લ્ડ કપની કુલ ઈનામી રકમ લગભગ 31 કરોડ રૂપિયા હતી. આ રીતે, હવે આ રકમમાં લગભગ 297 ટકાનો વધારો કરવામાં આવ્યો છે.
આ રમતોમાં સમાનતાની વાત છે.
► ટેનિસ (ગ્રાન્ડ સ્લેમ) : પુરુષો અને સ્ત્રીઓના વિજેતાઓ માટે સમાન ઇનામ રકમ.
► સર્ફિંગ (વર્લ્ડ લીગ) : 2019 થી સમાન ઇનામ રકમ.
► ક્રિકેટ (ભારત, ઈંગ્લેન્ડ, દક્ષિણ આફ્રિકા) : આંતરરાષ્ટ્રીય મેચ ફી સમાન.
► ક્રિકેટ (ધ હન્ડ્રેડ, બીબીએલ) : પુરુષો અને મહિલાઓની ટુર્નામેન્ટ માટે સમાન ઇનામી રકમ
► હોકી (FIH પ્રો લીગ) : વિજેતા ટીમો માટે સમાન ઇનામ રકમ.
► એથ્લેટિક્સ (વર્લ્ડ ચેમ્પિયનશિપ, ડાયમંડ લીગ) : 1995 થી સમકક્ષ પુરસ્કાર.
► ટ્રાયથલોન અને ક્લાઇમ્બિંગ : શરૂઆતથી જ સમાન ઇનામની રકમ.
આ જાહેરાત મહિલા ક્રિકેટની સફરમાં એક સીમાચિહ્નરૂપ સાબિત થશે. અમારો સંદેશ સરળ છે, મહિલા ક્રિકેટરોએ જાણવું જોઈએ કે જો તેઓ આ રમત વ્યવસાયિક રીતે રમવાનું પસંદ કરશે, તો તેમની સાથે પુરુષોની જેમ સમાન વર્તન કરવામાં આવશે. – જય શાહ, ચેરમેન, ICC
ગ્રુપ મેચમાં રકમ 61 % વધારો
♦ 2022ઃ રૂ.18.76 લાખ
♦ 2025ઃ રૂ.30.29 લાખ
