New Delhi,તા.25
અમેરિકન રેસલર હલ્ક હોગન, જેનું સાચું નામ ટેરી જીન બોલિયા છે, તેમનું ફ્લોરિડા સ્થિત તેમનાં ઘરે હાર્ટ એટેકથી અવસાન થયું છે. તબીબી કર્મચારીઓ તેનાં ઘરે પહોંચ્યાં હતાં અને સુપ્રસિદ્ધ કુસ્તીબાજને એમ્બ્યુલન્સમાં સ્ટ્રેચર પર ક્લિયરવોટર સ્થિત તેના ઘરેથી લઈ જવામાં આવ્યો હતો.
હલ્ક હોગન 71 વર્ષનાં હતાં. 11 ઓગસ્ટ, 1953ના રોજ ઓગસ્ટા, જ્યોર્જિયામાં જન્મેલાં હલ્કની ગણતરી વ્યાવસાયિક કુસ્તીના મહાન કુસ્તીબાજોમાં થાય છે. ડોનાલ્ડ ટ્રમ્પના દીકરાએ સોશિયલ મીડિયા પર તેમના નિધનના સમાચાર શેર કર્યા છે. યુએસ વીકલીના અહેવાલ મુજબ, હલ્ક હોગનનું જૂનમાં હૃદયનું ગંભીર ઓપરેશન થયું હતું.
વર્લ્ડ રેસલિંગ એન્ટરટેઈનમેન્ટ (ડબ્લ્યુડબ્લ્યુઇ)એ હોગનના નિધન પર શોક વ્યક્ત કર્યો હતો અને સોશિયલ મીડિયા એક્સ પર કહ્યું હતું કે, “ડબ્લ્યુડબ્લ્યુઇ 2 ટાઈમ હોલ ઓફ ફેમર હલ્ક હોગનનું નિધન થયું છે એ જાણીને ડબલ્યુડબલ્યુઇ ખૂબ જ દુ:ખી છે.
પોપ કલ્ચરના સૌથી પ્રખ્યાત વ્યક્તિઓમાંના એક, હોગને 1980ના દાયકામાં ડબ્લ્યુડબ્લ્યુઇ (WWE ) ને વૈશ્વિક સફળતા મેળવવામાં મદદ કરી હતી. ડબ્લ્યુડબ્લ્યુઇએ હોગનના પરિવાર, મિત્રો અને ચાહકો પ્રત્યે સંવેદના વ્યક્ત કરી છે.’
હોગને 1977માં પોતાની વ્યાવસાયિક કુસ્તી કારકિર્દીની શરૂઆત કરી હતી, પરંતુ ડિસેમ્બર 1983માં વર્લ્ડ રેસલિંગ ફેડરેશન (ડબલ્યુડબલ્યુએફ) સાથે કરાર કર્યા બાદ વિશ્વભરમાં ઓળખ મેળવી હતી.
પ્રારંભિક દોડમાં, તે પાંચ વખત ડબલ્યુડબલ્યુએફ (WWF) ચેમ્પિયન બન્યાં હતાં. તે સતત રોયલ રમ્બલ મેચો જીતનારા પ્રથમ કુસ્તીબાજ હતાં. તેઓ 1474 દિવસ સુધી ચેમ્પિયન રહ્યાં હતાં.
તે રેસલમેનિયાના ઇતિહાસમાં સૌથી લાંબી છે. રેસલિંગ ઉપરાંત હોગન ફિલ્મ, ટેલિવિઝન અને રિયાલિટી શોમાં પણ જોવા મળી ચૂકયા છે. તેમણે રોકી, કમાન્ડો અને નૈની જેવી ફિલ્મોમાં કામ કર્યું છે.
રાષ્ટ્રપતિ ટ્રમ્પે હલ્ક હોગનને શ્રદ્ધાંજલિ આપી
ટ્રમ્પે કહ્યું કે ‘આજે મેં એક મહાન મિત્ર, ‘હલ્કસ્ટર’ ગુમાવ્યો. અમેરિકાનાં રાષ્ટ્રપતિ ડોનાલ્ડ ટ્રમ્પે ગુરુવારે હલ્ક હોગનને શ્રદ્ધાંજલિ આપી હતી, તેમને “મહાન મિત્ર” ગણાવ્યાં હતાં અને તેમની શક્તિ, બુદ્ધિ અને સાંસ્કૃતિક પ્રભાવની પ્રશંસા કરી હતી.
હલ્ક હોગન સંપૂર્ણપણે મેગા હતાં
ટ્રુથ સોશિયલ પરની એક પોસ્ટમાં, ટ્રમ્પે કહ્યું: “આજે અમે એક મહાન મિત્ર, હલ્કસ્ટરને ગુમાવ્યો છે. હલ્ક હોગન સંપૂર્ણપણે એમએજીએ હતાં – મજબૂત, કઠોર, સ્માર્ટ, પરંતુ મોટા હૃદયવાળા. તેમણે રિપબ્લિકન નેશનલ ક્ધવેન્શનમાં ભારે પ્રભાવશાળી ભાષણ આપ્યું હતું.
જે સંપૂર્ણ અઠવાડિયાની વિશેષતા હતી. તેણે વિશ્વભરનાં ચાહકોનું મનોરંજન કર્યું અને તેની સાંસ્કૃતિક અસર ખૂબ જ મોટી હતી. તેની પત્ની સ્કાય અને પરિવારને અમે પ્રેમ મોકલીએ છીએ. હલ્ક હોગનની ખૂબ જ યાદ આવશે
