Ahmedabad,તા.30
ઓલિમ્પિક 2036 ની સુચિત દાવેદારી પૂર્વે ગુજરાત 2030 ના કોમન વેલ્થ ગેમ્સની યજમાની માટે પણ મજબુત દાવો પેશ કરવાની તૈયારી કરી રહ્યું છે. અમદાવાદ તથા ગાંધીનગરમાં નિર્માણ પામી રહેલા વર્લ્ડકલાસ સ્પોર્ટસ કોમ્પ્લેકસ સહિતના ઈન્ફ્રાસ્ટ્રકચરના આધારે કોમનવેલ્થ ગેમ્સ માટેનો દાવો પેશ થઈ શકે છે.
રાજય સરકારનાં ટોપ લેવલનાં સુત્રોએ જણાવ્યું હતું કે, કોમનવેલ્થ ગેમ્સ માટે દાવો કરવાની તૈયાર કરાયેલી દરખાસ્તનું મુખ્યમંત્રી કાર્યાલયમાં કોમનવેલ્થ ગેમ્સ ફેડરેશનનાં પ્રમુખ કિસ જેન્કીન્સ સમક્ષ પ્રેઝન્ટેશન કરાયું હતુ. આ તકે એથ્લેટીકસ ફેડરેશન ઓફ ઈન્ડિયાનાં અધિકારીઓ પણ હાજર હતા. કોમનવેલ્થ ગેમ્સ યોજવા માટેનો દાવો આગામી માર્ચ સુધીમાં કરી દેવામાં આવશે.
રમત ગમત વિભાગનાં સુત્રોએ કહ્યું કે, વિધીવત દાવો રજુ થયા બાદ 1 એપ્રિલથી 31 ઓગસ્ટ સુધી કોમનવેલ્થ ગેમ્સ ફેડરેશન દ્વારા સાઈટ વિઝીટ કરવામાં આવશે.નવેમ્બર 2025 સુધીમાં આખરી દાવો રજુ કરવાની પ્રક્રિયા છે.
કોમનવેલ્થ ગેમ્સ ફેડરેશનના પ્રમુખને એમ પણ કહેવાયું હતું કે, 2018 ગોલ્ડ કોસ્ટ ગેમ્સ તથા 2022 બર્મીંગહામ ગેમ્સના આયોજન, ઈન્ફ્રાસ્ટ્રકચર તથા સિધ્ધિઓની સમીક્ષા પણ પેશ કરવામાં આવશે.સરદાર વલ્લભભાઈ પટેલ, એનકલેવમાં એકવારીકસ, બોકસીંગ, બાસ્કેટ બોલ, જીમ્નાસ્ટીક, કબડી જેવી સ્પર્ધા થશે.
નારણપુરા,કોમ્પલેકસમાં બેડમીગ્ટન, ટેબલ ટેનીસ જુડો, સ્ટેચ્યુ ઓફ યુનિટી, ખાતે બીચ વોલીબોલ, માઉન્ટેન સાયકલીંગ નરેન્દ્ર મોદી સ્ટેડીયમમાં ક્રિકેટ, આઈઆઈટી ગાંધીનગરમાં રોડ સાયકલીંગ હોકી ગુજરાત યુનિવર્સીટીમાં નેટબોલ, શુટીંગ, ટ્રાન્સ સ્ટેડીયામાં રગ્બી, મહાત્મા મંદિરમાં કુશ્તી-વેઈટ લીફટીંગ તથા વિજય ભારત ફાઉન્ડેશનમાં તિરંદાજી શકય બનશે.
સુત્રોએ કહ્યું કે, માત્ર કોમનવેલ્થ ગેમ્સ જ નહિં ગુજરાત સરકાર અન્ય પણ અનેક સીંગલ કે મલ્ટી સ્પોર્ટસ ટુર્નામેન્ટનાં આયોજન માટે દાવા રજુ કરવાની તૈયારી કરી રહી છે.
ગુજરાતનો ટ્રેક રેકોર્ડ
* કોલ્ડપ્લેનો સૌથી મોટો કોન્સર્ટ
* આઈસીસી વર્લ્ડકપ ફાઈનલ
* વૈશ્વિક નેતાઓનો મેળાવડો
* ઓલિમ્પિકના બે-તૃતિયાંશનું કદ ધરાવતા નેશનલ ગેમ્સની યજમાની
* ઈન્ડિયન વિમેન્સ ફૂટબોલ ટીમ
* વર્લ્ડ ટેનિસ ફેડરેશનની એશીયન અંડર-14 ટુર્નામેન્ટ
* ફીફા અંડર 17 વિમેન્સ વર્લ્ડકપ
