(નયના દવે દ્વારા)
Jamnagar તા.૨૯
જામનગર તા.૨૯ જામનગર જિલ્લામાં જુગાર વિરોધી ઝુંબેશ અંતર્ગત પોલીસે અલગ-અલગ વિસ્તારોમાં તીનપત્તી, રોન પોલીસ તથા વરલી મટકાના જુગાર સામે કુલ દસ દરોડા પાડ્યા હતા. અગાઉના પાંચ દરોડામાં ૨૧ શખ્સો ઝડપાયા હતા અને ચાર ફરાર થયા હતા, જ્યારે નવા પાંચ દરોડામાં ૩૨ શખ્સો ઝડપાયા હતા. આમ કુલ ૫૩ શખ્સો પોલીસની ઝપટે ચડ્યા હતા, જ્યારે ચાર શખ્સો નાસી છૂટ્યા હતા. દસેય કાર્યવાહીમાં રોકડ રકમ, ગંજીપત્તા, મોબાઇલ ફોન અને વાહનો સહિત કુલ રૂ.૨,૭૮,૮૧૦નો મુદ્દામાલ જપ્ત કરી જુગારધારા હેઠળ કાર્યવાહી હાથ ધરવામાં આવી છે.
ધ્રોલમાં પટેલ સમાજ સામે ગોદળીયા વાસમાં પીપળાના ઝાડ નીચે તીનપત્તીનો જુગાર રમતા અજયભાઈ કાંતીભાઈ ડાંગરોચીયા, સાગરભાઈ કિશોરભાઈ ગોઠળીયા, અમીતભાઈ કિશોરભાઈ ગોઠળીયા, રમેશભાઈ બીજલભાઈ ડાભી અને મેઘભાઈ ઈશ્વરભાઈ ગોદળીયાને ઝડપી રૂ.૧૦,૩૬૦ તથા ગંજીપત્તાના ૫૨ પાનાં કબજે કરાયા હતા.
જામજોધપુરમાં લાડવા શેરીમાં જૂની બેકરી પાસે સ્ટ્રીટ લાઈટના અજવાળે તીનપત્તી રમતા સાગરભાઈ કાંતીલાલ સોલંકી, રાજેશભાઈ જીવનલાલ કુંડેયા, મગનલાલ વીરાભાઈ વીઝુડા, રાજભાઈ નાથાભાઈ પરમાર, જીગ્નેશભાઈ ગીરધરભાઈ રાઠોડ, આકાશ ઉર્ફે ગાંગો મનીશભાઈ વરાણીયા અને અજયભાઈ સુખાભાઈ ડાભીને ઝડપી રૂ.૧૬,૫૪૦ની રોકડ તથા ગંજીપત્તા કબજે કરાયા હતા.
લાલપુર તાલુકાના ખીરસરા ગામની મુખ્ય બજારમાં તીનપત્તી રમતા ગુલામેમુસ્તફા ઉર્ફે લાલુ બોદુભાઈ બ્લોચ, વસીમ બોદુભાઈ બ્લોચ, રૂકશાનાબાનુ સલીમભાઈ જરવાર, અફસાનાબેન હુશેનભાઈ જરવાર, રેશમાબેન મોજીદભાઈ જરવાર, અપ્સાનાબેન નવસાદભાઈ દેખાન અને હમીદાબેન અનવરભાઈ બ્લોચ સામે કાર્યવાહી કરી રૂ.૧૦,૦૩૦ તથા ગંજીપત્તા કબજે કરાયા હતા. બે પુરુષોની ધરપકડ કરી પાંચ મહિલાઓને નોટિસ આપવામાં આવી હતી.
લાલપુરના નવીપીપર ગામના પાટિયા પાસે તીનપત્તી રમતા પ્રવિણભાઈ દેવાભાઈ ભાટુટી, મોજાભાઈ તુલસીભાઈ ભાટટી, ડાયાભાઈ દેવાભાઈ ભાટટી, વનાભાઈ દેવાભાઈ ભાટી અને સુરજ મનોજભાઈ સોલંકીને ઝડપી રૂ.૪,૭૨૦ તથા ગંજીપત્તા કબજે કરાયા હતા.
જામનગર તાલુકાના ખીમરાણા ગામમાં શમશાન મંદિરના ઓટા ઉપર તીનપત્તી રમતા ભગવાનજીભાઈ ઉર્ફે રૂપો ભીખાભાઈ ગામારા અને રવીરાજસિંહ મહિપતસિંહ જાડેજાને ઝડપી રૂ.૩,૯૦૦ તથા ગંજીપત્તા કબજે કરાયા હતા. રેડ દરમિયાન બાલુભા દેવેન્દ્રસિંહ જાડેજા, ગૌતમ રાજેશભાઈ, મુનાભાઈ ઉદુભાઈ જાડેજા અને ભરતસિંહ પ્રભાતસિંહ જાડેજા નાસી છૂટ્યા હતા.
જોડીયા તાલુકાના બાદનપર ગામની સીમમાં આરોપી રમેશભાઈ જેરામભાઈ ધોડાસરાની વાડીના મકાનમાં નાલ ઉઘરાવી જુગાર રમાડાતો હોવાની બાતમીના આધારે દરોડો પાડવામાં આવ્યો હતો. પોલીસે રમેશભાઈ ધોડાસરા, પ્રવીણભાઈ મકનભાઈ સંતોકી, રમેશભાઈ ગોવિંદભાઈ સંતોકી, અજયભાઈ ગોર્ધનભાઈ રાણીયા, બ્રીજેશભાઈ કાનજીભાઈ ભીમાણી, જેન્તીભાઈ અરજણભાઈ સંતોકી, જીતેન્દ્રભાઈ હરજીભાઈ સંતોકી, રાકેશભાઈ હરખાભાઈ સંતોકી અને રાજભાઈ વલ્લભભાઈ ભીમાણીને ઝડપી લીધા હતા. તેમની પાસેથી રૂ.૧,૫૨,૩૦૦ રોકડા, પાંચ મોટરસાઇકલ અને નવ મોબાઇલ ફોન સહિત કુલ રૂ.૫,૦૨,૩૦૦નો મુદ્દામાલ કબજે કરાયો હતો.
જામનગર શહેરના શંકરટેકરી રામનગર શેરી નં.૨માં જાહેરમાં સ્ટ્રીટ લાઈટના અજવાળે તીનપત્તી રમતા હિરાભાઈ રાણાભાઈ ચારણ, ડેગણસી મુળજીભાઈ ચારણ, ગોગણભાઈ જીવ્યાભાઈ ગુજરીયા, માલજીભાઈ પુનરવભાઈ ગુજરીયા અને કરણભાઈ પુનરવભાઈ ગુજરીયાને ઝડપી રૂ.૩૮,૭૭૦ તથા ગંજીપત્તાના ૫૨ પાનાં કબજે કરાયા હતા.
મેઘપર-પડાણા પોલીસ મથક વિસ્તારમાં ઝાંખર ગામની સીમમાં મારૂતિ સુઝુકી શો રૂમ પાછળ જાહેરમાં વરલી મટકાના આંકડા લખી હારજીતનો જુગાર રમતા સંજીત કુમાર કેદાર ચૌધરીને ઝડપી તેની પાસેથી રૂ.૪૫૦ રોકડા, બોલપેન અને કાગળ કબજે કરવામાં આવ્યા હતા.
કાલાવડના રણુજા રોડ પર ઈંટોના ભઠ્ઠા પાસે જાહેરમાં તીનપત્તીનો જુગાર રમતા કમલેશગીરી મનસુખગીરી ગૌસ્વામી, કમલેશભાઈ મેરૂભાઈ માટીયા, ગોપાલભાઈ તુલશીભાઈ રામોલીયા, ધર્મેન્દ્રસિંહ નિર્મળસિંહ જાડેજા, ફાલ્ગુનભાઈ કૌશિકભાઈ ઝીંઝુવાડીયા, જયેશભાઈ માવજીભાઈ બામણીયા અને રાજેન્દ્રસિંહ હમીરસિંહ જાડેજા સામે કાર્યવાહી કરવામાં આવી હતી. તેમની પાસેથી રૂ.૨૬,૩૦૦ રોકડા તથા ગંજીપત્તાના ૫૨ પાનાં મળી આવ્યા હતા અને તમામને નોટિસ આપવામાં આવી હતી.
જોડીયા તાલુકાના બોડકા ગામમાં કડીયા શેરી પાસે રામજી મંદિરના ઓટા ઉપર તીનપત્તીનો જુગાર રમતા રમેશચંદ્ર ભીમજીભાઈ ટાંક, ગોરધનભાઈ સામજીભાઈ સાપરીયા, શાંતીલાલ દામજીભાઈ ટાંક, મોહનભાઈ અમૃતલાલ ખોલીયા અને ભરતભાઈ કાંતીલાલ ધામેચાને ઝડપી રૂ.૧૩,૪૪૦ તથા ગંજીપત્તાના ૫૨ પાનાં કબજે કરાયા હતા. જેમાં પ્રથમ ત્રણ આરોપીઓને ધરપકડ કરવાને બદલે નોટિસ આપવામાં આવી હતી.પોલીસે તમામ દસ બનાવમાં જુગારધારાની જુદી-જુદી કલમો હેઠળ ગુના નોંધી વધુ તપાસ હાથ ધરી છે.
