New Delhi, તા.30
વૈભવ સૂર્યવંશીની આશ્ચર્યજનક બેટિંગથી ઘણા ચોંકાવનારા નિવેદનો આવ્યા છે, પરંતુ આ 15 વર્ષીય ક્રિકેટર, જે ટોચના બોલરોના બોલને બાઉન્ડ્રી પર મોકલવામાં માહિર છે, તેણે પ્રશ્નોના યોગ્ય રીતે જવાબ આપવાનું શીખી લીધું છે.
થોડા દિવસો પહેલા, પાકિસ્તાની ક્રિકેટ નિષ્ણાત નૌમાન નિયાઝે વૈભવના અદભુત પ્રદર્શન પર મજાકમાં ટિપ્પણી કરતા કહ્યું હતું કે, તેના બેટની તપાસ થવી જોઈએ અને સંકેત આપ્યો હતો કે 15 વર્ષના બેટમાં “AI ચિપ” લગાવવામાં આવી હોય શકે, જે તેને આટલી શક્તિ આપે છે.
આનાથી સોશિયલ મીડિયા પર ચર્ચા શરૂ થઈ. પંજાબ કિંગ્સ સામેની મેચ પછી, જ્યારે કિશોર રાજસ્થાન રોયલ્સ બેટ્સમેનને તેના બેટમાં અઈં ચિપ વિશે પૂછવામાં આવ્યું, ત્યારે વૈભવે એક નરમ જવાબ આપ્યો જે કલાકોમાં જ વાયરલ થઈ ગયો.
RR એ તેના સોશિયલ મીડિયા એકાઉન્ટ પર એક વીડિયો પોસ્ટ કર્યો. આમાં, વૈભવને પૂછવામાં આવ્યું કે, “શું તમારા બેટમાં AI ચિપ છે?” વૈભવ ખૂબ સહજ અંદાજમાં જવાબ આપ્યો કે, “ભગવાને જ લગાવીને આપી છે. ઉપરથી જ કહ્યું હતું કે, બેટમાં કંઈક લગાવીને આપી રહ્યો છું અને હું તેનો ઉપયોગ કરી રહ્યો છું.”
વૈભવનો પ્રતિભાવ અસરકારક હતો. કારણ કે, તેણે આ વાહિયાત ચર્ચામાં પડવાનો ઇનકાર કર્યો હતો. તેણે ટેકનિક વિશે દલીલ કરી ન હતી કે કોઈ ગુસ્સો દર્શાવ્યો ન હતો. આ સહેલો જવાબ દર્શાવે છે કે તે મેદાન પર પ્રખ્યાત બોલરોને સંભાળવામાં જ નહીં, પરંતુ અચાનક મળેલી લોકપ્રિયતાને પણ ખૂબ શાંતિપૂર્વક અને સમજદારીથી સંભાળી રહ્યો છે.
