રાજામૌલીએ ‘દેવરા’ કે ‘પુશ્પા ૨’ ડિરેક્ટ ન કરી હોવા છતાં સીક્વલના કલ્ચરને લોકપ્રિય કરવાનો આરોપ તેના પર મુકવામાં આવી રહ્યો છે
Mumbai, તા.૧૮
સમગ્ર દેશમાં બે અઠવાડિયાથી ‘પુષ્પા ૨’ છવાઈ ગઈ છે. ખાસ કરીને હિન્દી ફિલ્મ જોતા રાજ્યોમાં સફળતાએ ‘પુષ્પા ૨’ને સરળતાથી ૧૦૦૦ કરોડની ક્લબમાં સ્થાન અપાવ્યું છે. બ્લોકબસ્ટર હોવા છતાં આ ફિલ્મ તેના અંત માટે ટીકા થઈરહી છે. અંત લટકાવી રાખવા બદલ કેટલાક લોકો રાજામૌલીને જવાબદાર માને છે.ઘણા લોકો એવું માને છે કે ‘બાહુબલી ૨’ સાથે રાજામૌલીએ સીક્વલનો ટ્રેન્ડ શરૂ કર્યો છે. ત્યાર પછી લગભગ બધી જ મોટી ફિલ્મો છેલ્લે એક એવા પડાવ પર લાવીને લટકાવી દેવામાં આવે છે, જેથી ઓડિયન્સને હવે પછી શું? તેની ઉત્સુકતા રહે. ફિલ્મનો અંત યોગ્ય છે કે નહીં તે વિચાર્યા વગર આમ થતું હોવાથી ભારતીય ઓડિયન્સને ગમતી ‘હેપ્પી એન્ડિંગ’વાળી મજા આવતી નથી. આ જ કારણથી ‘દેવરા’ અને ‘પુષ્પા ૨’ બંનેની ખેંચાયેલા અને અસંતોષકારક અંત બદલ ટીકા થઈ છે.દર્શકો એક ફિલ્મ પાછળ ત્રણથી ચાર કલાક વેડફે અને અંતે કશું અર્થસભર જોયાં વિના થિએટરમાંથી નીકળી જતાં હોય એવું લાગે છે. ભારતીય સીનેમામાં સીક્વલનો દોર રાજામૌલિની બાહુબલિ સાથે થયો હતો. મહિનાઓ સુધી કટપ્પાને બાહુબલિ કો ક્યું મારા? ટ્રેન્ડ થયુ હતું. આ ઉત્સુકતા ફિલ્મને લાભ કરાવી ગઈ અને તેથી ફિલ્મ મેકર્સે રાજામૌલિને ફોલો કર્યા. આમ રાજામૌલીએ ‘દેવરા’ કે ‘પુશ્પા ૨’ ડિરેક્ટ ન કરી હોવા છતાં સીક્વલના કલ્ચરને લોકપ્રિય કરવાનો આરોપ તેના પર મુકવામાં આવી રહ્યો છે. એક વાર્તાને લંબાવતા રહીને ઓડિયન્સને ગમેલા કેરેક્ટર્સ ફરી બતાવી દેવાથી નવેસરથી મહેનત કરવાની જરૂર પડતી નથી, તેવું ઘણાં ફિલ્મ ક્રિટિક્સ માને છે.
