Mumbai,તા.૨૬
બોલિવૂડ અભિનેત્રી રિયા ચક્રવર્તી તાજેતરમાં તેના ભૂતપૂર્વ બોયફ્રેન્ડ સુશાંત સિંહ રાજપૂત આત્મહત્યા કેસને લઈને સમાચારમાં હતી. આ કેસમાં સીબીઆઈએ રિયાને ક્લીનચીટ આપી દીધી છે. છેલ્લા ૪ વર્ષથી પેન્ડિંગ રહેલા આ કેસમાં ક્લીનચીટ મળ્યા બાદ રિયા ખુશ હતી, પરંતુ હવે તેની મુશ્કેલીઓ ફરી વધવા લાગી છે. રિયા વિરુદ્ધ બીજા એક કેસમાં એફઆઇઆર નોંધવામાં આવી છે. મુંબઈ પોલીસે આ માહિતી આપી છે. સેલિબ્રિટી મેનેજર દિશા સલિયનનું વર્ષ ૨૦૨૦ માં અવસાન થયું હતું. આ અંગે ઘણો હોબાળો થયો હતો. હવે, ૪ વર્ષ પછી, દિશાના પિતાએ મંગળવારે આ જ કેસમાં પોલીસ કમિશનર અને જોઈન્ટ કમિશનરને લેખિત ફરિયાદ નોંધાવી છે. જેમાં તેમણે ઘણા ગંભીર આરોપો લગાવ્યા છે. આ ફરિયાદમાં આદિત્ય ઠાકરે, દૂની મૌર્ય, સૂરજ પંચોલી, પરમબીર સિંહ, સચિન વાઝે અને રિયા ચક્રવર્તીને આરોપી બનાવવામાં આવ્યા છે.
દિશા સલિયાનના પિતા સતીશ સલિયાનના વકીલ નીલેશ ઓઝાએ જણાવ્યું હતું કે, ’આજે અમે સીપી ઓફિસમાં લેખિત ફરિયાદ નોંધાવી છે અને જેસીપી ક્રાઇમે તેને સ્વીકારી લીધી છે.’ આ ફરિયાદ હવે એક એફઆઇઆર છે જેમાં આરોપીઓ આદિત્ય ઠાકરે, ડીનો મોરિયા, સૂરજ પંચોલી અને તેમના અંગરક્ષકો, પરમ બીર સિંહ, સચિન વાઝે અને રિયા ચક્રવર્તી છે. આ મામલાને છુપાવવા પાછળ પરમબીર સિંહ મુખ્ય સૂત્રધાર હતો. તેમણે આદિત્ય ઠાકરેને બચાવવા માટે પ્રેસ કોન્ફરન્સ કરી અને જુઠ્ઠાણા ફેલાવ્યા. બધી વિગતો હ્લૈંઇ માં છે.એનસીબી તપાસ પત્ર સાબિત કરે છે કે આદિત્ય ઠાકરે ડ્રગ્સના વેપારમાં સામેલ હતા, તે વિગતનો ઉલ્લેખ આ એફઆઇઆરમાં કરવામાં આવ્યો છે.
દિશા સલિયન બોલિવૂડમાં સેલિબ્રિટી મેનેજર તરીકે કામ કરતી હતી. દિશાને સુશાંત સિંહ રાજપૂતની મેનેજર તરીકે પણ ઓળખવામાં આવે છે. દિશા સલિયનનું ૨૦૨૦ માં અવસાન થયું હતું. ૮ જૂનના રોજ, દિશા ૧૪મા માળેથી પડી ગઈ અને તેનું ઘટનાસ્થળે જ મૃત્યુ થયું. પોલીસે આ કેસની તપાસ કરી અને તેને આત્મહત્યા ગણાવી. પરંતુ દિશાના પિતા સતીશ સલિયાને એક વખત આ અંગે ગંભીર આરોપો લગાવ્યા હતા. જેમાં તેણે કહ્યું હતું કે મારી પુત્રી પર સામૂહિક બળાત્કાર થયો હતો અને તેને આયોજનબદ્ધ હત્યા ગણાવી હતી. હવે દિશાના પિતાએ ફરીથી આ જ મામલે હ્લૈંઇ નોંધાવી છે. જેમાં રિયા ચક્રવર્તીનું નામ સામેલ છે. હવે સુશાંત સિંહ રાજપૂત કેસમાં ક્લીનચીટ મેળવનાર રિયાની મુશ્કેલીઓ ફરી વધી ગઈ છે.
