Gandhidham, તા.૧૬
ડીપીએ બીજી ગુજરાત સ્ટેટ રેન્કિંગ ટેબલ ટેનિસ ટુર્નામેન્ટ 2026નું 17થી 19મી જુલાઈ દરમિયાન અહીંના એમ. પી. મિત્રા ઇન્ડોર સ્ટેડિયમ, હરેશ સંગતાણી સ્પોર્ટ્સ કોમ્પલેક્સ ખાતે આયોજન થશે ત્યારે વર્તમાન ચેમ્પિયન નુતાંશુ દયામા અને પ્રથા પવારની નજર તેમની વિજયકૂચ આગળ ધપાવવાનો પ્રયાસ કરશે અને તેમની નજર ટાઇટલ પર રહેશે.
610 એન્ટ્રી ધરાવતી આ ટુર્નામેન્ટ ગુજરાત સ્ટેટ ટેબલ ટેનિસ એસોસિયેશનના નેજા હેઠળ કચ્છ ડિસ્ટ્રિક્ટ ટેબલ ટેનિસ એસોસિયેશનના ઉપક્રમે યોજાઈ રહી છે જેના સ્પોન્સર દિનદયાલ પોર્ટ ઓથોરિટી (ડીપીએ) છે જ્યારે તેના ઇક્વિપમેન્ટ પાર્ટનર સ્ટિગા છે. આ ટુર્નામેન્ટમાં 2.90 લાખ રૂપિયાના પુરસ્કાર એનાયત થશે અને વિજેતાઓને અન્ય ગિફ્ટ પણ વિતરીત કરાશે. બિનક્રમાંકિત નુતાંશુ દયામા અને મોખરાના ક્રમની પ્રથા પવારે છેલ્લે અમદાવાદ ખાતે યોજાયેલી સિઝનની પ્રથમ સ્ટેટ રેન્કિંગ ટુર્નામેન્ટ જીતી હતી અને આ વખતે તેઓ આ માટે ફેવિરટ છે. જોકે બંનેને આ વખતે મજબૂત પડકારનો સામનો કરવો પડે તેવી અપેક્ષા છે.
અમદાવાદ ખાતેની ફાઇનલમાં મોખરાના ક્રમનો રાજકોટનો જયનિલ મહેતા નુતાંશુ સામે ફાઇનલમાં હારી ગયો હતો. પ્રથમ રેન્કિંગ ટુર્નામેન્ટમાં વિમેન્સમાં અમદાવાદની ઓઇશિકી જોઆરદાર પ્રથા સામે હારી જવાને કારણે રનર્સ અપ રહી હતી. હવે ઓઇશિકી તેના શહેરની જ હરીફની વિજયકૂચ અટકાવીને આગળ ધપવાનો પ્રયાસ કરશે. અન્ય દાવેદારોમાં નામના જયસ્વાલ અને ધૈર્ય પરમારનો સમાવેશ થાય છે.
સ્થાનિક જુનિયર્સ તેમનો પ્રભાવ પાડી શકે છે જેમાં અંડર-13 બોયઝમાં મોખરાના ક્રમના ધ્રુવ ભાંબણીયા, અંડર-11 બોયઝમાં મોખરાના ક્રમનો રેહાંશ સિંઘવી, યુગ પ્રતાપસિંઘ, અંડર-9 ગર્લ્સમાં મોખરાના ક્રમની દિવિશા હિંગોરાણી, અનાઇશા સિંઘવી, સિદ્ધિ સિંઘવી, યાના સિંઘ અને માયરા ખેશકાનીનો સમાવેશ થાય છે.
ગાંધીધામ ખાતે બોયઝ અંડર-7 કેટેગરીનો પ્રારંભ થનારો છે. ગયા વર્ષે અંડર-9 ઇવેન્ટને સામેલ કર્યા બાદ અંડર-7 કેટેગરી પહેલી વાર સ્ટેટ રેન્કિંગ સ્તરે શરૂ કરવામાં આવી રહી છે. અંડર-7 કેટેગરીના પ્રારંભે છ એન્ટ્રી મળી છે જે બાબત યુવા બાળકોમાં ટેબલ ટેનિસની લોકપ્રિયતા પ્રતિબિંબિત કરે છે.
ભાગ લેનારા તમામ સહભાગીઓ માટે નિઃશુલ્ક ભોજન: ગુજરાત સ્ટેટ રેન્કિંગ ટુર્નામેન્ટના ઇતિહાસમાં પ્રથમ વખત ત્રણ દિવસીય ઇવેન્ટ દરમિયાન તમામ સહભાગીઓને નાસ્તો, બપોરનું ભોજન, રાત્રિનું ભોજન, ફ્રેશ લાઇમ વોટર અને ફળો નિઃશુલ્ક આપવામાં આવશે.
આયોજન સચિવ શ્રી કમલ અસનાનીએ જણાવ્યું હતું કે, આયોજકોનો ઉદ્દેશ્ય ખેલાડીઓને શ્રેષ્ઠ સુવિધાઓ સાથે વ્યવસાયિક રીતે સંચાલિત ટુર્નામેન્ટ પૂરી પાડવાનો છે.આયોજન સચિવ શ્રી કમલ અસનાનીએ જણાવ્યું હતું કે, ‘આયોજકોનો આશય ખેલાડીઓને પ્રોફેશનલ સંચાલિત અને શક્ય તેટલી સર્વશ્રેષ્ઠ સવલતો પૂરી પાડવાનો છે.’અંડર-7 કેટેગરીની શરૂઆત અને વિનામૂલ્યે ભોજન તથા રિફ્રેશમેન્ટ આપવાનો નિર્ણય ખેલાડીઓના કલ્યાણ અને પાયાના સ્તરે વિકાસ પ્રત્યેની અમારી પ્રતિબદ્ધતા દર્શાવે છે.’ તેમ કમલ અસનાનીએ ઉમેર્યું હતું. આ ટુર્નામેન્ટ 12 સ્ટિગા પ્રીમિયમ ટેબલ પર રમાશે, જેમાં 25 લાયકાત ધરાવતા ટેકનિકલ અધિકારીઓની પેનલ સ્પર્ધાનું નિરીક્ષણ કરશે.
