Washington, તા.17
પશ્ચિમ એશિયામાં તનાવ હવે ઘણો વધી ગયો છે. અમેરિકાએ હવે ઇરાનમાં પુલ, એરપોર્ટ અને રેલવે સ્ટેશન પર હુમલા શરૂ કર્યા છે. જે સ્થળે આમ નાગરિક સાથે જોડાયેલા છે. અમેરિકી સેનાએ સતત છઠ્ઠી રાત્રિ ઇરાનને નિશાન બનાવ્યું છે.
આ વખતે માત્ર સૈન્ય ઠેકાણા જ નહીં, બલકે સામાન્ય નાગરિક સાથે સંકળાયેલા પાયાગત માળખા પર હુમલા કર્યા છે. જેમાં ઇરાનના પુલ, રેલવે સ્ટેશન અને એરપોર્ટ તબાહ થઇ ગયા છે. ઇરાની મીડિયાનું કહેવું છે કે આ હુમલા દક્ષિણ પ્રાંતોમાં થયા છે. આ પૂરો વિસ્તાર વ્યાપારની દ્રષ્ટિએ ખૂબ જ ખાસ હોર્મુઝ સ્ટ્રેટ પાસે છે.
વિમાન મથકો, પુલ, રેલવે સ્ટેશનો પર ખાબકી મિસાઇલો
ઇરાનના દક્ષિણ-પૂર્વી ભાગમાં મોજુદ ઇરાન શહેર એરપોર્ટ પર જોરદાર ધમાકા સંભળાયા હતા. અમેરિકી લડાયક વિમાનોએ એરપોર્ટને નિશાન બનાવીને સીધી મિસાઇલ છોડી હતી. આ ઉપરાંત બંદર અબ્બાસ શહેરના મુખ્ય રેલવે જંકશન સ્ટેશન પર હુમલો થયો હતો.
આ ધમાકાથી ત્યાં કરતાં બે કર્મચારી ઘાયલ થયા હતા. આ ઉપરાંત હોર્મોઝગાન પ્રાંતમાં બે પુલોને નષ્ટ કરવામાં આવ્યા હતા. આ પુલ બંદર ખમીર પાસે હતા. સ્થાનિક પ્રશાસન મુજબ આ હુમલામાં બે લોકોના મોત થયા છે અને ચાર ઘાયલ થયા છે. પુલ તુટવાથી બંદર અબ્બાસ, ખમીર અને લાટ વચ્ચેનો માર્ગ સંપર્ક તુટી ગયો છે.
અંધારપટમાં ડુબ્યુ શહેર
બંદર અબ્બાસ શહેરમાં એક મોબાઇલ અને સંચાર ટાવર પર હુમલો કરવામાં આવતા પૂરા વિસ્તારની વીજળી કટ થઇ ગઇ હતી. અને સંચાર સેવા ઠપ્પ થઇ ગઇ હતી. આ હુમલામાં સાત લોકો ઘાયલ થયા હતા. ઇરાનના કેશમ દ્વીપ, બુશહર અને અહર્વજ શહેરમાં પણ વિસ્ફોટના અવાજ સંભળાયા હતા.
શું પૂરા ખાડી દેશોમાં ફેલાશે યુધ્ધ?
આ હુમલાથી હવે પડોશી દેશોમાં પણ ગભરાટ ફેલાઇ ગયો છે. શુક્રવારે કુવૈતના આકાશમાં 32 શંકાસ્પદ ડ્રોન ઉડતા જોવા મળ્યા હતા. જેથી હડકંપ મચી ગયો હતો. ઇરાકની રાજધાની બગદાદમાં મોજૂદ અમેરિકી દુતાવાસે પણ પોતાના નાગરિકને એલર્ટ રહેવાનું કહ્યું છે ત્યાં પણ ડ્રોન હુમલાનો ખતરો તોળાઇ રહ્યો છે. ઇરાને કુવૈત અને બહેરીનને નિશાન બનાવ્યું.
બીજી બાજુ અમેરિકી હુમલાના જવાબમાં ઇરાને બહેરીન અને કુવૈત પર મિસાઇલો અને ડ્રોન ફેંક્યા છે. આ બંને દેશોમાં અમેરિકી સેનાના મોટા ઠેકાણા છે. હકીકતમાં રણનીતિક રીતે બેહદ ખાસ હોર્મુઝ સ્ટ્રેટમાં તનાવ બાદ બન્ને દેશો વચ્ચે થયેલી શાંતિ સમજુતી પૂરી રીતે તૂટી ગઇ છે.
હવે અમેરિકાએ ઇરાન સામે હુમલાનું ક્ષેત્ર ખૂબ જ વધારી દીધું છે. અમેરિકી સેનાએ ન માત્ર દક્ષિણી ઇરાન, બલેક પહેલી વાર રાજધાની તહેરાન અને મિસાઇલ હબ મનાતા સેમનાન પ્રાંતને પણ નિશાન બનાવ્યા છે. આ ભીષણ સૈન્ય કાર્યવાહીથી પૂરા ખાડી ક્ષેત્રમાં હાહાકાર મચી ગયો છે.
ટ્રમ્પની ચેતવણી મુજબ હુમલા
આ હુમલા અચાનક નથી થયા પણ ટ્રમ્પે બે દિવસ પહેલા ટ્રમ્પને ચેતવણી આપી હતી કે જો ઇરાન વાતચીતના ટેબલ પર નહીં આવે તો તેના બુરા હાલ થશે અને તેના વીજળી ઘરો અને પુલોને નિશાન બનાવશું.
ઇરાનનો પલટવાર : બહેરીન, કતર,કુવૈત, જોર્ડનમાં મચાવી તબાહી
તહેરાનઃ અમેરિકાએ ગુરુવારે વહેલી સવારે ઇરાનમાં સૈન્ય ઠેકાણા પર ફરી એકવાર એર સ્ટ્રાઇક કરી હતી. અમેરિકી સેન્ટ્રલ કમાન્ડ મુજબ હુમલામાં મિસાઇલ લોન્ચ સાઇટ, રક્ષા ઠેકાણા અને તમામ રણનીતિક સ્થળો પર હુમલા કર્યા જેના જવાબમાં ઇરાને બહેર, કુવૈત અને જોર્ડનમાં અમેરિકી સૈન્ય ઠેકાણા પર મિસાઇલ અને ડ્રોન હુમલો કરવાનો દાવો કર્યો હતો. બહેરીન અને કુવૈતમાં મિસાઇલ એલર્ટ જાહેર કરાયું છે, જ્યારે જોર્ડને ત્રણ ઇરાની મિસાઇલો તોડી પાડવાની જાણકારી આપી.
